isumaqatigiissut annaasaq
Qallunaaq atuakkiortoq: Kalaallit Nunaat nutaamik Pituffimmi isumaqatigiissuteqartariaqarpoq
Kalaallit Nunaannut taarsiutissamik Pituffik pillugu USA isumaqatigiissuteqarfiginissaa pisariaqartorujussuuvoq, USA-p Nunatsinni sakkutooqarfiinik nakkutilliinermut ataatsimiititaliaanut ilaasortaasimasoq, Hans Jakob Helms isumaqarpoq.
- Danmarkip aamma Kalaallit Nunaata Pituffimmi kiffartuussinissamut isumaqatigiissut annaaneqarneranut pakatsissutigineranit ingerlaqqinnissamut piffissanngorpoq. Kalaallit Nunaannut taarsiutaasussamik USA-p isumaqatigiissuteqarfiginissaa pisariaqartinneqarpoq.
Atuakkiortoq aamma USA-p Nunatsinni sakkutooqarfiinik nakkutilliinermut ataatsimiititaliaanut ilaasortaasimasoq, Hans Jakob Helms, Jyllands-Postenimi ullumi sisamanngornermi allaatiginnippoq.
Nunanut allanut ministerip peqatigalugu decembarimi Folketingimi matoqqasumik isumasioqatigiittoqarpoq, tassani Kalaallit Nunaat pillugu ataatsimiititaliap Pituffimmi kiffartuussinissamut isumaqatigiissummut tunngatillugu isumaqatigiinniarnerit qanoq ingerlanersut tusarusuppai.
- Folketingimi matoqqasumik isumasioqatigiinnermut peqataasut arlallit oqaaseqarnerat naapertorlugu ataatsimiinnermi nutaarsiassaqanngilaq. Tamannalu isumaqarsimassaaq, nunanut allanut ministeri Pituffimmi kiffartuussinissamunt isumaqatigiissutit nutaamik suliarinnittussarsiuunnissaat pillugu USA-mik isumaqateqarniarnermi angusaqarsimanngitsoq, Hans Jakob Helms erseqqissaavoq.
Taanna naapertorlugu Kalaallit Nunaata nunanut allanut ministerip Trumpip præsidentiunerani nutaamik isumaqatigiissuteqartoqarnissaa utaqqillugu neriuuteqarallaannarnissaanik isumaqarpoq.
- Kalaallit Nunaammi nammineerluni USA-mi misiliisinnaanngilaq. Tassani nunanut allanut aamma illersornissamut politikkit ataatsikkoortinneqarput, taakkulu danskit naalakkersuisuinit suli akisussaaffigineqarput. Kisianni Pituffimmi kiffartuussinissamut isumaqatigiissutaasimasoq taarserlugu Kalaallit Nunaat nutaamik isumaqatigiissummik assut pisariaqartitsinera ersarissorujussuuvoq, Hans Jakob Helms oqarpoq.
- Tamanna pissappat, Kalaallit Nunaat Danmarkilu kiffartuussinissamut isumaqatigiissut pillugu allatut ilungersuuteqaqqittariaqarput, US Air Forcep Pituffimmik ingerlatsisup amerikami suliffeqarfimmik elektronik atorlugu sorsunnermik immikkut ilisimasalimmik, danskinit kalaalliniillu suliffeqarfimmik cementiliornermik immikkut sulialimmik aqutsinnissaa kissaatiginerummassuk, Hans Jakob Helms oqarpoq.