Qalerallit 2.600 tonsit pisarineqareerput

Aalisariutit 6 meterit sinnerlugit angissusillit ingerlatsivimmi Qeqertarsuup Tunuani qaammammi sapaatit akunnerini siullerni marlunni qalerallit 1.408 tonsit pisarisimavaat, angallatillu ingerlatsivimmi Uummannami 2.389 tonsit pisarsimallugit, ingerlatsivimmilu Upernavimmi qalerallit 3.500 tonsit tunineqarsimallutik.
Ingerlatsivinni taakkunani ukiumut pisassat sinneri tassaapput; ingerlatsivimmi Qeqertarsuup Tunuani 3.387 tonsit, ingerlatsivimmi Uummannami 2.005 tonsit, ingerlatsivimmilu Upernavimmi 3.200 tonsit.
Pisassiissutit siuliani taaneqartut angallataatilinnut immikkut ataasiakkaarlugit pisassiissutaapput.

Umiatsiaaqqat
Ingerlatsivimmi Uummannami umiatsiaararsortut 258 tonsinik qaleralissimapput, ingerlatsivimmi Upernavimmi 179 tonsinik, ingerlatsivimmilu Qeqertarsuup Tunuani umiatsiaararsortut 107 tonsinik qaleralissimallutik.
Ingerlatsivinni qaammammut pisassat sinneri; Uummannami 606 tonsit, Upernavimmi 256 tonsit, Qeqertarsuullu Tunuani 601 tonsit.
Ingerlatsivinni Upernavimmi, Uummannami Qeqertarsuullu Tunuani umiatsuaararsortut qaleralinniarnissamut akuersissutillit 789-iupput.
Angallatit 6 meterit sinnerlugit angissusillit ingerlatsivinni pineqartuni qaleralinniarnissamut akuersissutillit 143-uupput.

Saarulliit
Tunumi Kitaanilu ukiumut saarullittassat 15.000 tonsiupput. Manna tikillugu saarulliit 1.155 tonsit pisarineqarsimapput.