inissiinerit

Qaleralinniarnerup ajalusoornerani Grønlandsbankenip annaasaqarnissaq ilimagaa

Qaleralinniarnermi annaasaqarnissamut Grønlandsbanken aningaasanik illuartitsilluni aallartippoq.

Hellefiskeriet lider, og det kan man mærke i Grønlandsbanken, hvor nogle fiskere er begyndt at få problemer med at betale regningerne.

Naak aalisarneq tamakkerlugu aningaaseriviup taarsigassartitsisarnerani procentit sisamaannaagaluartut, kvartalini kingullerni procentitigut aamma koruunitigut ooritigullu amerlanerpaanik qaleralinniarnermut immikkoortitsisoqarsimavoq, tassanilu ukiormanna pisassiissutigineqartunut angummannaveertoqarpoq.

Akiliiniarnermik ajornartorsiortut
- Arlallit akiliiniarnertik ajornartorsiutigiartuleraat takusinnaavarput. Piffissami sivisulaami taarsigassarsianik nalikilliliisariaqartarsimavugut, qaleralinniarnermilu aningaasanik annaasaqarnissamut immikkoortitsilluta, aningaaserivimmi pisortaq Martin Kviesgaard, Sermitsiaq.AG-mut taama oqarpoq.

- Qaleralinniarnermut taarsigassarsiiniarluni ajornakusoorsimavoq, inuussutissarsiornermi piumasaqaatit sinaakkutit unammillernarnerat pissutigalugu, taamaammat kisitsiserpassuunngillat, kisianni malunnarsiartorpoq.

Akuersissutaatillit amerlanerujussuit
Aalisartut ataasiakkaat ingerlanerlunnerannut, qaleralinniarsinnaanermut akuersissutaateqartut 1200-nit 2000-nit amerlanerulernerat minnerunngitsumik nassuiaatissat ilagisinnaavaat. Pinngortitaleriffimmi biologit qaleralinniapiluttoqarsinnaaneranik isumaqarput.

Ukiuni kingullerni biologit qaleralittassiissutissanut siunnersuutaat, piniarnermut aalisarnermut naalakkersuisoqarfiup malinneq ajorpai, taamaattumik qaleralik nuannarineqarluartoq isertitsissutaalluartorlu, aalisartunut nunap karsianullu ukiut isertitsiffiusupilussuit kingorna naleerunniarpasippoq.

Millisut
Pinngortitaleriffiup ilisimasalittaasa qalerallit agguaqatigiisillugu angissusaat uuttornikuuaat, centimeterillu qulit missaanni millisimavoq, tassa ukiut arlaqanngitsut matuma siorna tonsit qaqissimasat qaqinniaraanni, qalerallit marloriaataat aalisarneqartariaqarlutik.

Powered by Labrador CMS