Qaleralinniarneq suli ingerlanerluppoq

2016-imi aggustimi qalerallit 3.880 tonsit tulaassorneqarput, qaammat kingulleq taamaallaat 3.001 tons anguneqarput, Naatsorsueqqissaartarfimmit kisitsisit kingulliit tamanna takutippaat.

Qalerallit 6000 tonsinit amerlanerusut amigaataasut
Ukioq tamaat aggust ilanngullugu piffissap taamaalinerani pisat 6.100 tonsinit ikinnerusunik ikinnerusunik tulaassuisoqarpoq.

Qaleralinniarnermi ernumassutaasoq annertuvoq. Grønlandsbankenip aningaasanik annaasaqarnissamut immikkoortitsereerpoq, qaleralinniarnermi aningaasaqarnikkut amigartoornissaq naatsorsuutigigamiuk. Qaleralinniapilunnermik tamanna pissuteqarsinnaasoq, biologit isumaqarput.

Ilaatigut WWF Verdensnaturfondenimit aarlerisaaruteqartoqaraluartoq, biologit pisassiissutitut siunnersuutaat Naalakkersuisut malinngilaat, ippassarlu aamma kingullermik aalisarnermut naalakkersuisup, Karl-Kristian Krusep, qaleralittassiissutit allanngortinneqannginnissaat KNR-imut oqaatigaa.

Raaja aamma saarulliit unammillernartorsiorfiupput
Raajarniarneq aamma saarullinniarneq siorna aalisarnermut sanilliullugu unammillerfiusoq, Naatsorsueqqissaartarfimmit kisitsisini takussutissiani takuneqarsinnaavoq. Kisianni tassani ernumassuteqartoqarpallaanngilaq. Tamanna ukiorluunerani aalisarnerup kingusissukkut aallartissimaneranik pissuteqarpoq, ukiormannalu raajarniarnerup saarullinniarnerullu naammassinnginnerani pisassiissutit atorluarneqarnissaat nalilerneqarpoq.