silaannaap kissatsikkiartornera

Qalasersuaq avannarleq naliginnaasumit 10 gradenik kiannerusoq

Aatsaat taama issittumi siku anikitsigaaq. Ilimagineqareerporli

Sikuiuitsumi issisimiut qulit 20-lli akornaniippoq. Naliginnaasumiilli kiannerulluni

Qalasersuaq avannarleq kaperlaleruttorpoq. Sikumilu issisiut qulit 20-llu akornaniilluni. Tamannalu naliginnaasumik appasinneruvoq.

- Qalasersuuarmi silap issinnera 13-miippoq taamaasinerani 23-miittaraluartoq, issittumut ilisimatooq Rasmus Tonboe DMI-meersoq DMI-p nittartagaanut oqarpoq.

Sikunera aatsaat taama annikitsigaaq

Qalasersuup imartaa suli kissarnerata sikunissaralua ajornakusoortippaa. Septemberip qaammataani sikujartulertaraluartoq ukioq manna kingusippoq.

- Beringstrædip avannaani Tjuktjermi imaq ataatsip marlullu akornini naliginnaasumit kissarneruvoq. Bæringstrædemi Karallu imartaani Sibiriap avannarpasissuaniittumik gradet tallimat angullugit naliginnaasumik kiannerulluni, Rasmus Tonboe oqarpoq.

Silaannaap naliginnaasumit allaanerunera immap kissassusaanit sunnerneqaqqavoq.

- Tjuktjerip Karallu imartaa maanna sikoreersimasussaagaluarpoq, ukioq mannalu kissarpallaarpoq. Sikuniarneralu sivisuneruvoq nillertilluni qeriartorniarnera. Baffinip imartaa aamma suli qerinngilaq. Avannaarsua tamaat isigalugu sikuniarnera ukiormanna aatsaat taama ajornakusoortigaaq.

Aatsaat taama avannaarsuani sikusimanngitsiginera Rasmus Tonboemut tupaallannanngilaq. Taassumami Septemberimi ilimasaarutingereerpaa imartaq aatsaat taama kissartigimmat.

Upernaaq aasalerneranilu sikukereernerata kingunerisaanit sikuniapiloornera pissuteqarpoq. Sikoqanngikkaagammi seqerngup imartaq sivisunermik kissaqqatissinnaavaa.

Powered by Labrador CMS