teknologi
Qaasuitsup kommuniani IT nutarterneqartoq
Qarasaasialerinermi suleriutsit sukkanerulissasut pitsaanerulissasullu oqaatigineqarpoq
IT system-i nutaanerpaaq, Qaasuitsup kommuniani Ilulissani ikkussuuteqammerneqarpoq.
Nutarterineq Kimik-IT suleqatigalugu kommunip IT-mi immikkoortortaata kommunip qaraasiaatai tamaasa Windows 8.1 nutaanerpaaq ikkussuunneqarpoq aamma serverit tamaasa Microsoft Servere-mik nutaanerpaanik pilersorneqarput.
Sapaatip akunnerata naanerani kingullermi suliaq ingerlanneqarpoq. Nalimmassaanerit atuisunillu ikiortarialinnik ikiuunnerit ataasinngornermi marlunngornermilu ingerlanneqarput, maannalu naammassisimalerlutik printerinik ataasiak-kaanik ajornartorsiuteqalaarnerit eqqaassanngikkaanni.
- Qarasaasialerinermi suleriutsit sukkanerusut pitsaanerusullu nutarterinerup kingorna ingerlanneqarsinnaalissapput, nutartikkat atuisut ilikkarsimalerpatigik atorsinnaa-lerlugillu, IT-mi siunnersorti Bjarne Madsen oqarpoq.
Qaasuitsup kommuniani illoqarfiit sinneri qaammatini tulliuttuni allanngortiteriffigineqassapput.