Qaasuitsup Kommunia

Qaasuitsup Kommunia pingasunngorlugu avinneqassava?

Ataatsimiititaliamit siunersuutigineqartoq kommunalbestyrelsimit pingasunngorpat oqallisigineqassaaq

Qaasuitsup Kommuniani borgmesteri Ole Dorph Siumut

Nunarsuarmi kommunit annersaat avinneqassanersoq marsip 25-ani taasissutigineqarpoq, amerlanerussuteqangaartullu taavaat kommuni avinneqartariaqartoq.

Qaasuistsup Kommuniani taasinermi kommunip avinneqarnissaanut akuersisut 81 procentiupput, avinneqarnissaanullu isumaqataanngitsut 19 procentiullutik.

Kommunip pingasunut avinneqarnissaannik siunnersuut kommunalbestyrelsep maajip arfineq pingajuanni ataatsimiinerani aalajangiiffigineqassanngilaq, aalajangiisoqartinnagumi aqqusaarneqartussat arlaliiupput. Radioaviisip paasissutissaatai malillugit kommuni pingasunngorlugu avinneqarnialerpoq.

- Kommune pingasunut avinneqarpat illoqarfiit pingasut, Upernavik, Ilulissat aamma Aasiaat, pingaarnertut inissisimalissapput, tamarmik inoqassutsimikkut amerlaqatigiillutik, Bernhardt Olsen Radioaviisimut oqarpoq.

2017-mi piviusunngussava?
Upernavik, Ilulissat Aasiaallu avinneqassappat innuttaasut amerlaqatigiimmik inissinneqassapput.

Qaasuitsup Kommunia avinneqassanersoq Naalakkersuisut 2015-mi isummersuiffigineqassaaq, Inatsisartullu aalajangiissallutik ilumut kommuni avinneqassanersoq.

Naak siunnersuut kommunalbestyrelsemit, Naalakkersuisunit Inatsisartunillu suli taperserneqanngikkaluartoq, ataatsimiititalaq avitsinissamik suliaqartoq neriuppoq, kommuni qinersiviup maajip aallaqqaatani 2017-mi aallartituup nalaani avinneqarumaartoq.

Powered by Labrador CMS