Qaasuitsup
Qaasuitsup Kommunia ilimagisamit sinneqartooruteqarnerusoq
Kommunip aningaasat paarisimavai akileraarutinillu isertitaqarnerulerluni
Qaasuitsuå Kommunia 2015-imi 37 millioner koruuninik sinneqartooruteqarpoq. Sinneqartoorutaasorlu taamaalilluni missingersuutaasunit annertuneruvoq, kommuni ilisimatitsivoq.
Pitsaanerusumik aqutsineq
Kommunip aningaasanik paarsineratigut, aamma atuinermut killiliinermigut, pitsaanerusumillu aningaasanik aqutsinerup kiisalu akileraarutitigut isertitat amerlaneruneritigut sinneqartooruteqartoqarpoq.
Qaasuitsup Kommuniani kommunalbestyrelsip ukiumoortumik naatsorsuutit apriilip 29-anni akueraa.
Atuaruk: Qaasuitsup Kommunia nakkutigisaagallarneqalerpoq
- Kommunalbestyrelsip iluarisimaarpaa, ilimagisamik ukiumoortumik naatsorsuiffiusup naammassinerani pitsaanerusumik inerneqarnerat. Ukiumi naatsorsiffiusumi 2016-imi missingersuutini isertikkumaagassat ilimagisanut naleqqiullugu, kommunalbestyrelsip kommunip aningaasatigut ineriartornera ilorraap tungaanut ingerlasoq nalilerpaa, borgmesteri Ole Dorph tusagassiuutinut nalunaarummi erseqqissaavoq.