kommunip avinneqarnissaa
Qaasuitsup avinneqarnerani ima naatsorsuisoqassaaq
Ikaarsaarnermut ataatsimiititaliat sapaatip akunnerata tulliani inissinneqartussat, pigisat nalillik akiitsullu 2018-imi januaari nallertinnagu naatsorsussavaat
Avinnermi aappariit qimakkaagata naatsorsuisoqartarpoq. Tamannalu Qaasuitsup Kommuniata ulloq 1. januar 2018-imi marlunnut avinneqarnerani aamma atuutissaaq.
Tamannalu tunngavigalugu naatsorsuutinut, missingersuutinut, aningaasat allanit pisassanut allanullu tunngasunut qanoq naattsorsuisoqassaneranik ilitsersuummik Namminersornerullutik Oqartussat nassiussisimapput.
Innuttaasut akiitsui nooqataassapput
Innuttaasut kommunimut akiitsullik kommunimut najugartaaminni akiitsutik akilissagaat siunnersuutigneqarpoq. Najugaqanngikkaanni sumiiffimmilu suliffeqarfiuteqanngikkaanni taava Qaasuitsup Kommunianut akiitsut marlunngorlugit avinneqassapput, aningaasammi allanit pissat kommuninngortussat marluk tamarmik avittassavaat 50 procentimik avitseqatigiittarlutik.
Qaasuitsup Kommuniata avinneqarnissaanut piareersarnermi aningaasat uninngasuutit pappilissalli nalillik januaarip aallaqqaataani 2018-imi kommuninngortut innuttaasuisa amerlassusai aallaavigalugit agguarneqassallutik.
Saanaartornerit agguarneqassapput
Sanaartungassat aallatereersut kommunitaassami ingerlanneqartumi nuunneqassapput.
- Kommuninngortup sumiiffinni sanaartornissamut aningaasanik immikkoortinneqarsimasut pigiinnassavaat. Aningaasanillu immikkoortinneqarsimasut qaavisigut atuisoqassangaluarpat kommuninngortup nammineq isumagissagaa pitsaasumik avitseqatigiittoqarnissaa anguniarlugu, tamanna siunnersuummi saqqummiunneqarsimasumi takuneqarsinnaavoq.
Atuaruk: KANUNUPE: Qaasuitsup kommunia avinneqassaaq
Qaasuitsup Kommuniata avinneqarnerani arlaannik pisoqassangaluarpat Naalakkersuisut aaqqiagiinngissutit paasisimasalimmik ikiorserlutik aalajangiiffigisinnaavaat.