Qaasuitsumi aalisarnerorusupput

Qaasuitsup Kommuniani aalisarnermi raajanillu tonserpassuarnik pisaqartarput. Kommunimili suli aalisakkanik amerlanerusunik pisaqarusupput. Kommunip inuussutissarsiornermik aqutsisoqarfiata aalisartut tassungalu soqutigisaqartut aalisarnerup aaqqissuuteqqinnissaa pillugu qaaqquaat.

Aalisarnermi tunitsiviit ilaanneeriarlutik matuneqartarput, ilaanneeriarlunilu aamma pisassiissutigineqartut pisarineqareernerisa pissutigisaanik aalisarneq unitsinneqartarluni.

Taamaattumik qanoq pitsaanerusumik aalisarnerup agguataarluarneqarnerusinnaanera oqallisigineqassaaq.

Tamanut iluaqutaasoq
- Kommunimi innuttaasunut pitsaanerusumik atugassaqartitsisoqarnissaa anguniarlugu taamatut aggersaasoqarpoq, kommunimi inuussutissarsiornermut pisortaa Suni á Dalbø nalunaarpoq.

Naak maannakkut aalisarfiugaluartoq oqallisigineqarnissaa pingaartinneqarpoq.

- Aalisartut tassungalu soqutigisaqartut tamaasa aggersarneqarput, innuttaasut pitsaanerpaamik uani angusaqarnissaat anguniarlugu, Suni á Dalbø oqarpoq.

Oqallinnermi anguneqartut Uummannami ukuaru saqqummiunneqarnissaat naatsorsuutigineqarpoq.