kommunet avinneqarnissaat
Qaasuitsoq: Kommunep avinnissaa amerlanerussuteqarluartut taperserpaat
Qaasuitsup Kommuniani taasisinnaasut 52 procentii peqataapput kommunep avinneqarnissaa pillugu innuttaasunik isumasiuilluni taasisoqarnerani
Qaasuitsup Kommunia avinneqassanersoq taasisoqarmat taasisinnaasut 79 procentii avinneqarnissaanut angerput. Taasinerup inernera kommunalbestyrelsemi politikkikkut oqallisigineqartussanngorpoq Naalakkersuisunullu saaffiginnissutissaq tassani ilusilersorneqassaaq.
Immikkut Qanorooqarnera marlunngornermi unnukkut kisitsisit pisortatigoortuunngitsut saqqummiunneqarput. Taakkunannga 79 procentit kommunep avinneqarnissaa isumaqatigaat 21 procentit kommunep ullumikkut isikkua pigiinnarusukkaat.
Taasisinnaasut 12.644-ut 52 procentii isumasiuilluni taasinermi peqataapput
Kommunalbestyrelse qaqugu immikkut ittumik ataatsimiissanersoq suli ullulerneqanngilaq. Kommunet allatut aggorneqarnissaannut aalajangiisinnaasutuat tassaapput Naalakkersuisut. Kingusinnerpaamik 2015-mi kommunet aggorneqarnerat allanngussanersoq Naalakkersuisut isummerfiginiarpaat.