kommuninut qinersineq 2017
Qaasuitsoq Avannarlermi immaqa naammassapput
Siumut naak Qaasuitsoq Avannarlermi amerlanerussuteqavinnertik annaagaluarlugu, kommunalbestyrelsimi amerlanerussuteqassannguatsiarput.
Qaasuitsoq Avannarlermi Siumup qitiuffigisamini kinguariangaatsiarpoq.
Partii taasinerit 61,8 procentiinit 48,7 procentiinut kinguariaateqarpoq.
Kisianni naak partii inuiaqatigiinni amerlanerussuteqanngikkaluarluni, kommunalbestyrelsimi nutaami ataatsimik amerlanerussuteqarpasinniarput.
Atuaruk: Qaasuitsoq Avannarleq: Suli pissanganartorsiortut
Taasinerit tunuliaqutigalugit Sermitsiaq.AG-p naatsorsuinerata tamanna takutippaa. Qinikkat agguataarneqarnerat suli takuneqarsinnaanngilaq.
Kisianni naatsorsuinerput malillugu Siumut inissanit 15-iusunit arfineq-pingasut pissarsiarissavaat, Atassutip pingasut, IA-p marluk, Partii Naleraq aamma Demokraatit tamarmik ataaseq.
Taamaalilluni Palle Jeremiassen partiinit allanit taperserneqaqqaarani borgmesterinngorsinnaarpasippoq - taamaattorli amerlanerussuteqaqqalaaginnassapput.
Qaasuitsoq Avannarlermi Atassut ajugaasuuvoq, taanna 2,6 procentpointinik siuariarpoq 16,6 procentit angullugit, Demokraatit 3,3 procentimit 6,7 procentimukarput, IA-lu 14,8 procentimit 16,6 procentimut.
Partii Naleraq ilisimaneqareersutut siullermeerluni peqataavoq, pikkunartumillu 10,8 procentit pissarsiarai, Siumullu kinguariarnerata annersaanut nassuiaataavoq.