ajutoorneq
Qaartitsisoqarnerani ujarak naluttarfimmut tammittoq
Ujarak qaartitsisoqarnerani Nuummi naluttarfiup Maliup ingalaavatigut ilummut tammippoq. Inuk ataaseq annikitsumik aqqunarpoq.
Ikuallaaviup eqqaani ujaqqerivimmi qaartitsisoqarnerani ajutoortoqarnermat arfininngormat naluttarfiup igalaavatigut ujaqqanik isaasoqarpoq.
Poltiit erngerlutik takkupput naluttarfimmiittullu tamaasa qimagussorlugit. Nalunaarutugineqarallartut naapertorlugit naluttarfimmiitoq ataaseq kimillatsitersimavoq, allanilli annertuumik ajoqusertoqarani. Kommuneqarfik Sermersooq tusagassiuutinut nalunaarummi nalunaaruteqarpoq.
Kommuneqafik Sermersooq attaveqarasuartarfissamik pilersitsivoq. Nalaataqarsimasut uunga sianersinnaapput 553582, tassuuna tarnip pissusiinik ilisimasalimmik oqaloqateqatoqarsinnaavoq.
Nalaanneqartut ilaat sakkortuumik misigisaqarsimassagunik Meeqqanut Ilaqutariinnullu Sullissivimmut saaffiginnissinnaapput CP Holbøllsvej 8-mut Nuummiittumut, ataasinngorneq nal. 14-15 akornanni.