ajutoorneq
Qaartitsinermi ajutoorneq misissuiffigeqqissaarneqassaaq
Nuummi qaartitsisoqarnerani ujaqqap qanoq ililluni naluttarfiup iluanut tammissimanera suli nalornissutigineqarpoq.
Ippassaq qaartitsisoqarnerani ujarak Nuummi naluttarfiup Maliup iluanut tamminnera ajornerujussuarmik kinguneqarsimasinnaangaluarpoq.
Naak tamanna naluttarfiup ammanerata nalaani pingaluartoq, inuk ataasiinnaq annikitsumik aqqunarpoq.
- Passussisoqarnissaa pisariaqartinneqarsimanngilaq, Katrine Johnsen Nuummi politeeqarfimminngaanneersoq oqarpoq.
ATUARUK: Qaartitsisoqarnerani ujarak naluttarfimmut tammittoq
Politiit ippassaq sumiiffimmi misissuisimapput, taamaattoq ajutoornerup qanoq pisimanera oqaatigisinnaanngikkallarpaat.
- Suliaq aqagu misissuiffigeqqissaassavarput, sillimasut pisortaat oqarpoq.
Tassungalu tunngatillugu ajutoornermut pisuutitsisoqassanersoq aamma suli oqaatigiuminaappoq.