Qaannamik GM
Qaannamik GM ima naammassivoq
Qaqortumi qaannamik nunatsinni pissartanngorniunnerit pingasunngormat naggataarnersiorneqarpoq, assigiinngitsunillu toqqaasoqarluni. Angusat tamaasa assillu takukkit
Qaannamik nuna tamakkerlugu pissartanngorniunnerit Qaqortumi ukioq manna ingerlanneqarput, pingasunngormallu naggataarnersiortoqarluni. Jens Peter Jeremiassen Ilulissaneersoq angutini Qajartullammanngorpoq arnani Ilulissaneersoq aamma Karla Schmidt Reimer Qajartullammanngorluni.
GM-imi unammeriaatsit qulit unammissutigineqarput. Unammeriaatsit amerlanerugaluarput, Qaqortulli eqqaani umiarsuaqarnera pissutaalluni unammeriaatsit quliinnaat ingerlanneqarlutik.
Unammeriaatsini tamarmiusuni pointilersuisoqartarpoq, taakkulu Qajartullammanngorniunnermut apeqqutaaqataasarlutik.
Jens Peter Jeremiassen aamma Kunuunnguaq Davidsen tamarmik Ilulissaneersut unammillualaavipput. Jens Peter Jeremiassen parrunnermi, kinngusaqattaarnermi allunaariaqattaarnermilu angusarissaarnerugami Qajartullammanngorpoq.
Angusat talerpiata tungaani aaneqarsinnaapput
Assit ataani takuneqarsinnaapput