Anoraasuarsuaq
Qaanaamut katersuiniarneq KNI-p taperserpaa
Qaanaami Decembari aallartilaartoq anoraasuarujussuarpoq. Ilaqutariinnullu eqqugaasunut katersuiniartoqarnerani KNI maanna ilannguppoq
Qanaami decembarip arfineq-aappaanni anoraasuarujussuallarmat piniartut aalisartullu piniutitik annaavaat. Juullilerneranili inuuniutiminnik imminnut napatissinnaajunnaarlutik.
Ilaqutariit eqqugaasut ikiorserumallugit silarlorujussuarneranit sapaatip akunnera qaangiuttoq katersuiniarneq 'Piniutaarsersimasut Komitè' atserneqarsimasoq aallartinneqarpoq.
Atuaruk: Piniartunut aalisartunullu aningaasanik katersuiniarneq
Katersuiniartunut KNI maanna ilannguppoq. Arfininngorpat bankortitsisoqarnissaanut KNI-p karsit 20-t, inuussutissanik assigiinngitsunik karsimut ataatsimut 1.000 kroninik nalilinnik imaqartunik tunissuteqarlutik. Suliffeqarfiup nioqqutissanik piniartarfii TULIP, DANISH CROWN, ARLA aamma GAIA tunniussinermut tassunga peqataapput.
Atuaruk: Kallerup innera qamippoq: Issi ernummatigaa
Taassuma saniatigut KNI A/S Pilersuisup sioraasat, kaffit, tiit kiisalu tiitorfiit ataasiarluni atortakkat assigisaallu atorfissaqartinneqartut naapertorlugit amerlassusillit tunniutissavai.
Atuaruk: Qaanaami anoraasuarsuaq: - Tupinnaqaaq
Katersuiniartunut tunissuteqaqataarusuttut Facebookimi qupperneq Piniutaarsersimasut Komitè-mi paasissutissat nassaarineqarsinnaapput.