Skip to main content

Qaanaami qaleralinnik tunisineq qaffariarujussuartoq

Qaanaami Inughuit Seafood A/S-ip tunisassiorfianut qaleralinnik tunisisarneq ukiut sisamat ingerlanerinnaani quleriaammik qaffariaateqarpoq.

Royal Greenlandip Arctic Greenfoodip tunitsiavianik 2013-imi pisinera, tamatumalu kingorna Qaanaami aalisartut piniartullu piginneqatigalugit Inughuit Seafood A/S-mik pilersitsinera inuussutissarsiummik iluatsittumik Qaanaami ingerlatsilermik kinguneqarsimavoq.

Inughuit Seafood A/S-immi tunisassiorfianut tunisat aalisartut Royal Greenlandilu kattutereermata quleriaammik qaffariaateqarsimapput.

Taama Royal Greenland nittartakkamini allappoq.

- Nuannaarutigeqaarput Inughuit Seafood A/S-ip tunisassiorfianut tunisineq tunisassiornerlu ingerlalluarmat. Piginneqatigiiffiup aallartinneraniit siullermeerluni ukioq manna qeritistiviit ulikkaarput, Royal Greenlandimi tunisassialerinermi ingerlatsisoq, Niels Ole Møller, Royal Greenlandimut oqarpoq.

Inughuit Seafood A/S-ip tunisasiorfiani siornatigut qalerallit ilivitsuutillugit tunisassiarineqartarnikuusut ukioq manna sulisut ilinniartinneqareernerisigut 2018-imi februarimi qaleralinnik niaquikkanik paperuikkanillu tunisassiortalerput.

LÆS OGSÅ: Qaanaami qaleralinniarneq malunnaatilimmik siuariartoq

 

Qalerallit 225 tonsit siorna novembarimiit ukioq manna juunimut tunineqartut amerlanersaat Qaanaap saavani eqqaaniluunniit pisarineqarput, taakkuali aamma ilaat 71 tonsit Qeqertat eqqaanni pisarineqarsimapput.

Tunerioraalluarnerlu Qaanaami suliffissanik pilersitsisimavoq. Inughuit Seafood A/S-immi sulisartut 20-nit ikinnerunngitsut sulisorisimavai, taamatullu aamma aalisartut qaleralinnik tunisinerminni 4 millioner koruunit aningaasarsiarisimavaat.

Inughuit Seafood A/S pilersinneqanngikkallat qaleralinnik ukiumut taamaallat 20 tonsit missaannik tunisisoqartarsimavoq.

LÆS OGSÅ: Qaanaami aalisarneq siuariartortoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER