Haaja!
Qaanaami immiaararpassuit maangaannarput
Qaanaami Pilersuisup immiaaqqat Heinekenerpassuit ullussaminnik qaangiisut eqqarpaiQaanaami Pilersuisoq ukioq kingulleq immiaaqqani quersuarmini
Qaanaami Pilersuisoq ukioq kingulleq immiaaqqani quersuarmini peqqumaasersorpallaarsimavoq. Taamaammat piniarfiutillit immiaqqat Heinekenerpassuit eqqaavissuarmut igiinnartariaqarsimavai.
- Qaanaami pisiniarfitta immiaaqqat Heinekenit 5.700-ut ullussaminnik qaangiisut umiarsuaq pajuttoq kingulleq aggustip naanerani tikilermat eqqarsimavai. Immiaaqqat siornarnisaagamik ullussaminnik qaangiisimapput. Illoqarfinni allani immiaaqqanik qillertuusaniittunik nioqquteqaqqusaannginnatta immiaaqqat ullussaminnik qangiinnginneranni illoqarfinni allani tuniniarsinnaasimanngilagut. Taamaammat allatut ajornartumik kasiilerneqarput, Pilersuisumi tuniniaanermut pisortaq Jonas Rasmussen Sermitsiaq.AG-mut oqarpoq.
Immiaaqqat lastbiilimik eqqaavissualiaanneqarput niuneqareeramik lastbiilip qaavatigut ingerlaffigisimavai suujunnaarsillugit.
- Qaanaammi inuit immiaarartornikinnerulersimagunarput taamaattumik aamma ukiormanna immiaaqqat ikinnerusut Qaanaamut tikisippagut, Jonas Aronsen oqarpoq.