Apersortittut
Qaanaami apersortittut pingasut
Illoqarfinni assigiinngitsuni sisamani apersortitsisoqarpoq pinsip aappaani
Qaanaap Oqaluffiani inuusuttuaqqat pingasut apersortipput pinsip aappaani, aamma silaqqissorujussuuvoq.
Apersortittuupput Erene Danielsen, Hans-Karl Rasmussen aamma Balika Simigaq. Henriette Didriksen palaseralugu apersortipput.
Pisarneq malillugu Qaanaami innuttaasut tamarmik qaaqquneqarput. Kalaalimerngeqarpoq, te, kaffi kaagerpassuillu.
Qaqortumi, Nuummi Sisimiunilu pinsip aappaani aamma apersortittoqarpoq.