pisassat
Qaammammut pisassat sapaatip akunnera nunguppaat
Uummannaq aqutsiveqarfiani umiatsiaararsorlutik qaleralinniat uani qaammammi pisassatik tamakkilerpaat
Uummannap aqutsiveqarfiani umiatsiaararsorlutik qaleralinniat sisamanngornermiit qaammatip sinnera aalisarunnaarallassapput. Novemberimut pisassat maanna nungunneqalerput.
Uummannap aqutsiveqarfiani umiatsiaararsorlutik qaleralinniat novemberip qaammataanut 170 tonsinik pisassaqarput. Taakku sapaatip akunnera missaliorlugu Uummannap aqutsiveqarfiani qaleralinniat nunguppaat. Kalaallit Nunaanni aalisarnermut akuersissutinik nakkutilliisoqarfik nalunaarpoq umiatsiaararsortut kingulliugallartumik sisamanngorneq novemberip arfineq aappaat tunisissasut.
Uummannap aqutsiveqarfiani umiatsiaararsorluni qaleralinniarneq decemberip aallaqqaataani aallarteqqissaaq qaammammut pisassat 51 tonsiussallutik.