utoqqaat
Qaammammi ataatsimi napparsimmavimmiinneq 127.000 koruuneqarpoq
Utoqqaat illuini amerlanerusunik inissaqartitsineq kommuninut akisoorujussuusarpoq. Aamma utoqqaat illuini inissaqartitsisoqanngikkaangat utoqqaat napparsimmavimmi uninngatinnerat suli akisunerusarpoq. Suliniut nutaaq aaqqiissutaasinnaavoq
Utoqqaat isumagineqartariaqartut kiserliortullu sukkasuumik amerliartorput. Sisimiuni utoqqaat angerlarsimaffiannut »Qupanuk«- mut utoqqaat inissaqalernissaminnut utaqqisut maanna 32-upput. Tamatumani maluginiarneqartariaqartoq tassaalluni utoqqaat angerlarsimaffiat pineqartoq taamaallaat 43-nut inissaqarmat.
AG allappoq.
Maniitsumi utoqqaat angerlarsimaffiannut »Neriusaaq«-mut utaqqisut 15-iupput.
Pissutsit taamaannerat naalakkersuinikkut iliuuseqartoqarnissaanik pisariaqartitsivoq aamma utoqqaat pitsaanerpaamik – akikinnerusumillu – qanoq ikiorneqartariaqarnerannik nutaanik isumassarsiortoqartariaqarluni.
Tamanna Qeqqata Kommuniani qinikkat ingerlatsiviullu nassuerutigaat. Tassanngaanniit suliniummik pilersaarusiukkamik aallartitsisoqassaaq illumi suliassanut ikiortinik ulloq unnuarlu atuuttunik pilersitsisoqassaaq, taakkulu utoqqarnut ikiortariaqarnerusunut ullup unnuallu ingerlanerani ornigussinnaassapput, ullumikkutut taamaallaat ulluunerani ikiuiartortarunnaarlutik.
Qeqqata Kommuniani kommunalbestyrelsimi ilaasortat isumaginninnermi ataatsimiititaliap kingullermik ataatsimiinnerani, napparsimmavimmik atuinerup aningaasatigut qanoq nammakkiitigisarnera pillugu paasissutissinneqarput.
- Utoqqaat illuanniittussaagaluartumik (maanna) napparsimmavimmut inissiisoqarpoq, taamalu inissiineq ullormi unnuamilu 4.095 koruuneqarluni. Tassa taamaalilluni qaammammut 127.000 koruunit missaannik akeqassasoq, isumaginninnermi ingerlatsivimmit qinikkanut takussutissiami tamanna ilisimatitsissutigineqarpoq.
Pisoq taaneqartoq akisunerpaanut ilaavoq.
Sammisaq pillugu AG-mi tamakkerlugu atuaruk. Taanna uani pisiarisinnaavat: