afmatning
Qaa aallartinniaritsi
Qinersinerup tulliata kingorna pissaaneq tigummiinnassallugu Naalakkersuisut pilersaarutigigunikku inuiaqatigiinni ingerlanerliorneq qaangerniarlugu qanittukkut pisoqartariaqarpoq, aviisi Sermitsiaq allappoq
Inuiaqatigiit ingerlaleqqinnissaat Kalaallit Nunaata pisariaqarteqaa, maanna ingerlanerliorneq sukkanerpaamik unitsinneqaqqullugu.
Taamatut aviisi Sermitsiaq pingaarnerutitamini allappoq:
– Ingerlanerliorneq inuiaqatigiinnut tamanut sunniuppoq. Qanorlu pisoqanngippat tamanna pingaartumik Siumup qinersisartuinik, atugarlioreersunik, namminersorlutillu oqartussat ingerlatsiviinik eqquissaaq.
– Maannakkorpiaq politikerit ´assatik sarliaannarpaat´ inunnut tunngasorpassuit, pingaarnerusunik sammiunnaartitsisut, pissutigalugit.
– Ingerlanerliorneq atugaavoq Royal Arctic Linemi Air Greenlandimilu, pingaartumik assartukkat ikileriarnerisigut maluneqarsinnaalluni. Tamanna malugineqarpoq sanaartornermi sanaartornermilu ataani pilersuisuni tamani. Qanittukkut pisortat selskabiini allani malugineqarsinnaalissaaq.
Tamanna pisiniarfinni malugineqarpoq. Pisiniarfiutillit maalaarutigaat atuineq unittooqqasoq. Tamanna malugineqarpoq suliffissaaleqisut amerliartornerisigut kommunillu isumaginninnermut allaffiisa tatineqaleraluttuinnarnerisigut.
Tamakku tamarmik pissuteqarput qanoq iliuuseqartoqannginneranik.
– Taamaattunik Naalakkersuisut pilersaarutigigunikku ukiut sisamat sinnerlugit pissaanermik tigumminninnissartik, tassa qinersinerup tulliata kingorna ingerlaqqinnissartik, qanoq pisoqartariaqarpoq, taamaanngippammi qinersisartunit tatigineerutissapput qinigaaqqinnaviaratillu, Sermitsiap pingaarnerutitaani ilaatigut allassimavoq.
Sermitsiaq nutaaq pisiariuk uani: