nunami ikuallannerit
Pujortarnerit innermillu atuinerit inerteqqutigineqarput
Qaasuitsup Kommuniani nunami annertuumik ikuallattoornerit tunngavigalugit illoqarfiup nunaqarfiulli avataanni innermik atuineq pujortarnerlu oqartussanit inerteqqutigineqalerpoq.
Annonce
Inerteqquteqarneq ingerlaannaq atuutilersinneqartoq upalungaarsimanermut pisortap Bjarne Gregersenip tusagassiuutinut nalunaarummi paasissutissiaraa.
Inerteqquteqarneq atuutsinneqarallassasoq, allassimavoq.
Inerteqquteqarnermik unioqqutitsigaanni politiinut nalunaarutigineqassapput, nunamilu ikuallatsitsinermik aallartitsisooraanni qamisaanermut aningaasartuutigineqartut akiligassarineqalissasut, paasissutissiarineqarpoq.
Angalatitsisartut, akunnittarfiit assigisaallu takornarissanut inerteqquteqarnermik paasissutissiissasut, Bjarne Gregersenip inassuteqarfigai.