Timmisartuussineq
Pujornera nuianeralu pissutigalugit timmisartuussineq ajornartorsiorfiuvoq
Ataasinngornikkut timmisartuussinissat arlallit pingasunngornermut kinguartinneqarput, Air Greenland nalunaaruteqarpoq. Tamatumunnga pissutaavoq Kitaani Nuummilu pujornerujussua
Assimi, Air Greenlandimit nassiunneqartumi, takuneqarsinnaavoq marlunngormat ualikkut Nuummi qanoq pujortiginersoq.
Sinerissami, aammalu Nuummi putsuarinnerata kinguneranik timmisartuussinissat amerlanersaat ullumikkut kinguaattoorfiupput, timmisartortitseqatigiiffik tusagassiorfitsigut nalunaarutikkut paasissutissiivoq.
Air Greenlandip timmisartuutai amerlanerit Kangerlussuarmiipput, ataasinngornermi unnukkulli taakaniilerlutik
Aqagumut kinguartinneqarput
Ilaasut ippassaq Københavnimut ingerlasussaagaluit GL 1784-imut aqagumut ilaasussanngorlugit maanna inissitsiterneqalerput. Air Greenlandip ilaasussat tamaasa apuunniarlugit, timmisartuutileqatigiiffimmit danskinit pigineqartumit, timmisartumik attartorpoq, angallaffiunerpaami maanna Norsaq ulikkaaqqammat.
Atlantikoq qulaallugu ullumikkut timmisartuussinissaq (GL 784) maannamuugallartoq nal. 19.00-mut kinguartinneqarpoq. Sila atoruminarsiinnavippat timmisartut atorneqarsinnaasut tamaasa atorlugit ilaasut kinguaattoorsimasut sumunngarfiannut apuutsinniarneqassapput, Air Greenland neriorsuivoq.