Puisit amiinik kavaajaliat oqaluttuaannanngussapput

Great Greenlandip Qaqortumi ammeriviata mersortafia matuppat puisit amiinik kavaaliat kusanartut tusaamaneqarluartullu tunisassiarineqarunnaassapput. KNR taama ilisimatitsivoq.

Nutaamik pisiortorfeqalissanngitsoq
Suliffeqarfiup taannartaa tamarmi taamaatinneqassaaq. Aammattaaq allanik kavaajaliortunik pisiortorfeqartoqalissanngilaq, siulersuisuni siulittaasoq Bruno Olesen KNR-imut ilisimatitsivoq.

Suliffiit tallimat
Mersortarfik matuneqarpat, tassani suliffiit tallimat aamma peerutissapput. Taassuma saniatigut Great Greenlandip pisortaata, Lars Bergip, januaarip naanerani ingerlatsivik aamma qimassavaa. Taanna Ditte Sorknæsimit paarlanneqassaaq.

Atuaruk: Great Greenlandip pisortaa soraarpoq

Great Greenlandip 2015-imi annertuumik sipaarniarneq aallartippaa. Ukiup aallartinnerani sulisut 40-uupput, februaarillu aallaqqaataani 30-inngussapput, KNR ilisimatitsivoq.

Atuaruk: Great Greenlandimi sipaarniartoqalersoq