Puisip amia
Puisip amia pillugu paasititsiniaanissamut EU eqqaasinniarneqartoq
Sapaatiuppat danskit kalaallillu politikerii angalaqatigiit paasititsiniaaneq pillugu EU eqqaasinniarlugu Bruxellesiliassapput. EU-kommissionimi puisit amii pillugit paasititsiniaanissamik pisussaaffilerneqarsimavoq. KNR taama allappoq.
EU-p paasititsiniaanermigut puisip amianik tunisisinnaannginnerup kingunerisai aaqqiiviginiarsarinikuuaat, aammalu naggueqatigiit inuit pineqannginnerat nassuiarlugu.
Kisianni paasititsiniaaneq nunat EU-meersut ilanngaaserisuinut taamaallaat maannamut paasititsiniaavigineqarsimapput.
Tamanna naammanngilluinnartoq Folketingimi Kalaallit Nunaat pillugu ataatsimiititaliami siulittaasup tullia Aaja Chemnitz Larsen, Inuit Ataqatigiinneersoq KNR-imut oqarpoq.
- Kalaallit Nunaannut takornariartartorpassuit ilisimasanngilaat puisit amiinik pisisinnaallutik EU-mullu angerlaallugit. Taamaattumik isumaqarpunga tamanna iluamik paasititsiniutigineqartariaqartoq, taamaalilluni Kalaallit Nunaanniit avammut tunisineq iluaquserneqassammat, Aaja Chemnitz Larsen oqarpoq.