nukersorneq
Psykopatit taamaattumik pinerloqqittarput
Misissuinerup takutippaa psykopatit qarasaasa pineqaatissinneqarnertik ilinniutigineq ajormassuk pinerluutigisimasami assigisaannik pinerloqqittarput parnaarussivimmit anigaangamik
Inuk psykopateq assersuutigalugu toqutsisimasutut pineqaatissinneqaraangat, parnaarussivimmeereernermi kingorna assinganik iliuuseqaqqinnissaa annertusarpoq.
Psykopatimmi pillarneqarnertik ilinniutigineq ajorpaat, Videnskab.dk allappoq Science Daily taamatut allassimasoq.
- Pinerluttartunut allanut sanilliullutik psykopaatit allaanerupput. Pinerluttartut qunusaarneqarnertik akisarpaat, psykopatilli qunusaarneqarnertik soqutigineq ajorpaat, University of Montrealimi misissuisut Nigel Blackwoo aamma Sheilagh Hodgins oqarput.
Taakku assigiinngitsunik misissueqqammerput: Psykopatit aqqaneq marluk pinerluttartut, pinerluttartut psykopatiunngitsut aqqanillit kiisalu inuit 18-t pinerlunneq ajortut.
Misissuinerup takutippaa psykopatit paasissutissanik pigaanganik qanoq iliuuseqartarnersut, tassani paasissutissanik paasinnittariaasaat, paasissutissanik suliarinnittarnerat ingerlatitseqqittarnerallu nikingassuteqartoq paasineqarpoq.
Aamma misigissutsinut assigiinngitsunut soorlu pisuussuteqarnermut, nalliginninnermut peqqusiileqinermullu qaratsakkut innarluuteqarput.
Psykopatit pissusaatigut paasineqartarput.
Siunissami psykopatinut ikiuisalernissanut misissuineq iluaqutaassaaq.
Videnskaben.dk-mi atuarneqarsinnaasut:
Strengere straffe er ikke vejen: Sådan får man bandemedlemmer ud af kriminalitet
Har du et ansigt, som kvinderne kan lide?