atuagaq
'Profeterne'-mut malitsimik saqqummertoqassasoq
Kalaallit Nunaanni ajoqersuineq pillugu atuakkani nangeqattaartuni pingasuusussani, Kim Leinep atuakkap aappaa suliaraa. Tamanna KNR-imut oqaluttuaraa.
Kim Leinep atuakkiat pingasut nangeqattaartut pilersaarutaasut aappaat suliaraa, taakku 'Profeterne i Evighedsfjord'-mik aallarniuteqarput. KNR.gl taama allappoq.
Maniitsumili ajoqersuiartornermut oqaluttualiamut iluatsilluartumut nersualaarneqartumullu tamanna malitsiussanngilaq.
Nuummi nunasiaateqarneq
Tassami oqaluttualiaq ukiut 70-it sioqqulligit pivoq, Nuummi nunasiaateqalernermut tunngasuulluni.
Angutit aqqaneq-marluk arnallu aamma aqqaneq-marluk pineqaatissinneqarsimasut Kalaallit Nunaannukaanneqarnerat ilaatigut oqaluttuarineqarpoq. Angutit arnallu taakku Kalaallit Nunaannukaanneqannginnerminni katititaasimapput, Kalaallit Nunaatalu nutaajunerusup pilersinneqarnissaa pillugu Nunatsinnukaanneqarlutik.
- Tamannalu soorunami iluatsippallaanngilaq, Kim Leine oqarpoq.
Oqaluttualiaq nutaaq aappaagu saqqummissasoq naatsorsuutigineqarpoq.
Kim Leinep 'Profeterne i Evighedsfjorden'-imik saqqummersitsinngikkallarami Kalaallit Nunaat pillugu oqaluttualianik arlalinnik saqqummersitsinikuuvoq. Taakku nammineq inuuneranut annertuumik tunngassuteqarnerat ersippoq.