Professori: Aningaasaqarnermut Siunnersuisoqatigiit mittarfinnik misissuinermini kukkusumik naliliivoq

Assartuussineq pillugu isumalioqatigiissitamut siulittaasup Christen Sørensenip mittarfiliortiternissamut inuiaqatigiit aningaasaqarnerannut akilersinnaassutsimik Aningaasaqarnermut Siunnersuisoqatigiit naliliineranut isumaqataanngilaq.

Inuiaqatigiit aningaasaqarnerannut akilersinnaassutsip misissoqqissaarnerani Deloittemit saqqummiunneqartutut, Aningaasaqarnermut Siunnersuisoqatigiit mittarfiliortiternissamut siunnersuutinik naliliinerannut atatillugu, assigiinngitsunik akulerussisoqartoq, aningaasaqarnermut professori Christen Sørensen isumaqarpoq.

Naalakkersuisunut oqaaseqaat

Deloittep mittarfiliortiternissamut pilersaarutinut inuiaqatigigiit aningaasaqarnerannut tunngatillugu misissueqqissaarneranut tunngatillugut, Aningaasaqarnermut Siunnersuisoqatigiit maajimi oqaaseqaateqarput. Siunnersuisoqatigiit oqaaseqaataat aningaasaqarnermut professorip aamma Assartuussineq pillugu isumalioqatigiissitamut siulittaasup Christen Sørensenip oqaaseqarfigalugu Attaveqaqatigiinnermut Naalakkersuisumut Simon Simonsenimut nassiussimavaa.

Periarfissat pingasut

Periarfissat pingasut

Tunngaviusumik aallaavik

Maanna mittarfiit aaqqissuussaanerat attatiinnarneqassaaq, tassani Kangerlussuaq qitiusumik aallaaviussalluni.

Periarfissaq 1

Ilulissani aamma Nuummi 2.200 meterinik takissusilinnik mittarfiliortoqassaaq, Qaqortumilu suluusalinnut mittarfik 1.500 meterinik takissusilik. Kangerlussuaq aamma Narsarsuaq qulimiguulinnut mittarfinngortinneqassallutik

Periarfissaq 2

Periarfissaq assigalugu, Kangerlussuarmi mittarfiup 1.500 meterinngortinneqarnissaa kisiat allannguutaalluni.

Mittarfiliortiternissat akilersinnaassusaannut tunngatillugu Aningaasaqarnermut Siunnersuisoqatigiit isornartorsiunerannut asuliunngitsumut Christen Sørensen ilumuunnginneraasoq paasinarsivoq. Christen Sørensenip oqaaseqaateqarnera danskit piginneqataanissaannut aamma aningaasaliinissaannut Lars Løkke Rasmussenip neqerooruteqannginnerani pimmat naqissuserneqassaaq, kisianni tamatuma tunngaviusumik isornartorsiuineranut allannguuteqanngilaq.

Aningaasaqarnermut Siunnersuisoqatigiit maajimi eqikkaanermini ima inerniliivoq:

"Paasissutissat pissarsiarineqarsinnaasut tunngavigalugit kiisalu taama nalunaarsuinerit nalorninartoqarnerat pissutigalugu aaqqiissutissatut periarfissat taakku marluk inuiaqatigiit aningaasaqarnerannut kingunerisassaat pingaarutilimmik allaanerussuteqanngitsut Aningaasaqarnermut Siunnersuisoqatigiit isumaqarput (aallaaviusoq aamma periarfissatut ilusiliaq alla 1, ilassutigineqartoq)”.

Christen Sørensen tassunga nassuiaammut aamma Aningaasaqarnermut Siunnersuisoqatigiit naatsorsuusiaannut unnersuussivoq, kingornalu Aningaasaqarnermut Siunnersuisoqatigiit sakkortuumik isornartorsiorpai.

Iipilit peerillu akulerunneqartut

- Naatsorsukkat taakkua nalorninartortaqarput aammalu eqqunngitsumik inerniliussaqartitsisinnaallutik. Aningaasartat atugassanngortinneqanngitsut maannakkut naleqartinneqarsinnaanngillat. Soorluli iipilit peerillu akuliunneqartut, Christen Sørensen, siornatigut Kalaallit Nunaanni aningaasaqarneq pillugu siunnersuisoqatigiinnut ataatsimiititaliamut siulittaasuusimasoq naqissusiivoq.

Naalakkersuisunut oqaaseqaammi, Sermitsiaq.AG-p pissarsiarisaani, Christen Sørensenip itisilerpaa, Aningaasaqarnermut Siunnersuisoqatigiit inerniliussamini qanoq kukkussuteqarnersoq, imatullu allappoq.

Atorsinnaanngitsoq

- Taamaalilluni periarfissatut ilusiliap aallaaviusup aamma periarfissatut ilusiliap allap 1-ip inuiaqatigiit aningaasaqarneranni imminut akilersinnaassuseqarnerat, naatsorsuinerit assigiinngissuteqarnerat naqqiivigalugu, annertunerpaatigut assigiittoq, Aningaasaqarnermut Siunnersuisoqatigiit isumaqarnerat, ilumuunngilaq.

- Kisiannili periarfissatut ilusiliap aallaaviusup aamma periarfissatut ilusiliat allat akornanni aarlerinaataasut assigiinngissutaasa nalilersorneqarneranni, periarfissatut ilusiliap aallaaviusup aamma periarfissatut ilusiliat allat akornanni aningaasaliinerit aningaasartaasa assigiinngissuteqarnerat, tassunga tunngassuteqarpoq.

Aarlerinaataasunik naliliinerit

Taassuma aamma inuiqatigiit aningaasaqarnerannik misissueqqissaarnermi, Deloittep suliarisaasa imarisai, Aningaasaqarnermut Siunnersuisoqatigiit aarlerinaataasunut naliliineri oqaaseqarfigai, Aningaasaqarnermulli Siunnersuisoqatigiit nassuiaataannut isornartorsiuinani.

Paasisat

Christen Sørensenip oqaaseqaatai aggustip 23-anni 2018-imi suliarineqarput

Christen Sørensenip oqaaseqaatai Naalakkersuisut septembarip 13-anni suliaraat.

Tassani tusaatissatut tiguneqarnissaa aalajangiunneqarpoq, aammalu Aningaasaqarnermut Akileraartarnermullu ataatsimiititaliamut paasissutissiissutitut nassiunneqarluni

- Aningaasaqarnermut Siunnersuisoqatigiit eqqortumik allapput, periarfissatut ilusiliani allani aarlerinaataasut, periarfissatut ilusiliamit aallaaviusumit annertunerusut, Christen Sørensen allappoq, sanaartornermi aningaasarrtuutit sukangasumik aqunneqarnissaat pingaaruteqartoq aamma isumaqarpoq.

Aarlerinaataasunik naliliinerit eqikkaaffigineqarneranni aningaasaqarnermut professori ima allappoq:

- Aarlerinaataasunik misissueqqissaarnerit qanoq annertutigisumik sukumiitigisumillu ingerlanneqassanersut, tamatigut nalilersugassaasarpoq. Suliassat annertoorujussuarmik aningaasaliiviusussat, mittarfittut ataatsimoortillugit suliassatut il.il. ittut kingunerisaannik, sukumiisunik tamakkiisunillu aarlerinaataasunik misissueqqissaarnerit nalilersuinerillu pingaaruteqartussaapput. Taamaattumik politikkikkut suliaqarnerup ingerlanerata ingerlaqqinnerani, mittarfiit ilusiligaaneranni allanngortitsinermut tunngavigineqartut nalilersuinerillu sukumiisumik paasinarsisinneqarnissaat pingaaruteqarpoq.

Powered by Labrador CMS