toqukkut qimaguttoq
Prins Henrik toqukkut qimaguppoq
Prins Henrik toquvoq marlunngornerup unnukkuani. Dronning ernerilu marluk toqugami eqqaminniipput
Kunngikkormiusut Ataqqinassusilik prins Henrik toqukkut qimaguppoq. Kunngikkormiut tamanna nalunaarutigaat pingasunngornerup ullaassaani nalunaaqutaq sisamanut.
Prins Henrik, 83-nik ukioqarluni toqukkut qimaguttoq, nalunaaqutaq 23.18 Fredensborg Slotimi toquvoq.
Dronning Margrethe aamma erneri kunngissaq Frederik prins Joachim, toqugami sanianiipput.
Suna toqussutigisimaneraa ilisimatitsissutigineqanngilaq.
Sumi qaqagulu ilisaassanersoq aamma ilisimatitsissutigineqanngilaq.
Roskilde Domkirkep iliveqarfiani dronningip saniani ilisaarusunnginnini ilisimatitsissutigimmagu tupaallaatigineqarpoq ukioq kingulleq.
Rigshospitalimi sapaatit akunneri arlaqartut innangareerluni Fredensborg Slot-iliaanneqarpoq pingasunngormat.
Prinsi Fredensborg Slotimut nuunneqarneranut atatillugu peqqiilliortoq ilisimatitsissutigineqarpoq.
Kunngikkormiut tusagassiisartuata Lene Ballebyp prins Henrip Fredensborg Slotiliaanneqarneranut atatillugu Billede-Blademut ima oqarpoq:
- Prinsip sungiusimasamini, ilaquttani sumiiffillu nalunngilluakkani, naggammik najorpai, oqarpoq.
Prinsip toquneratigut Danmarkip oqaluttuarisaanerani ukiut pingaarutillit tamaanga killeqarput.
Margrethe Londonimi 1965-imi naapippaa.
Margrethe droninnginngormat Københavnimiippoq ukiut marluk qaangiunneranni - tassani sila sialussuarpoq.
Droninngimut katikkami nutaamik atitaarlunilunilu, upperisartaarlunilu, nunataarlunilu taaguuteqalerpoq.
34-nik ukioqarluni Henri Marie Jean André greve de Laborde de Monpezatimit prins Henrikimik taaguuteqalerpoq.