Juullimut nassiussat
Poortukkat amerlanerit ukiormanna nassiuppagut
Allakkerivinni decemberimi ulapaarneqarpoq poortukkat nassiussat amerliallalaarsimammata
Siorna decemberimut sanilliullugu allakkat nassiussat ikinnerulaaraluartut akerlianik poortukkat nassiussat Nunatsinni allakkerivinni amerliallapput. Tele-Post Sermitsiaq.AG-mut taama ilisimatitsivoq.
Tele-Postip naatsorsuutigaa allakkat 210.000-it decemberip qaammataani nassiussuunneqassasut. Siorna decemberimut sanilliukkaanni tamanna 5 procentimik ikileriarneruvoq.
Illuanilli poortukkat nassiussat amerleriaallapput.
- Naatsorsuutigaarput poortukkat nassiullutillu aanneqartussat decemberip qaammataani 13.000-ussasut tassalu 4 procentimik amerlerialaartussaassallutik, Tele-Postimi nassiussuinermut pisortaq Lars Holm Hansen Sermitsiaq.AG-mut oqarpoq.
Niuertarfiit aamma Tele-Post atortarpaat takoqqusaarutit illunut agguaannerannut. Tele-Postip naatsorsuutigaa takoqqusaarutit 170.000-t illunut agguaanneqarumaartut.