Poorskikkunni GM-imut pilersaarut takuuk

Nunatsinni pissartanngorniunnerit arlallit timersuutini assigiinngitsuni poorskikkunni pissapput. Pissartanngorniunnerit sumi pissanersut takuuk.

Nunatsinni pissartanngorniunnerit timersuutini assigiinngitsuni pisarneq malillugu poorskikkunni pissapput.

Kalaallit Nunaanni Timersoqatigiit Kattuffiata ukioq manna pissartanngorniunnissani fairplay, ikinngutigiinneq aamma naleqartitat pitsaasut ukkatariniarpai.

- Timersortartorpalaarnermi, assersuutigalugu fairplayimi, imminut ataqqinermi, ikinngutigiinnermilu allannguerusukkatta taakku ukkatariniarpagut, Kalaallit Nunaanni Timersoqatigiit Kattuffiata pisortaa Carsten Olsen oqarpoq.

Poorsikkukkuni illoqarfinni ukunani pissartanngorniuttoqassaaq:

  • Sisimiuni nerrivimmi arsaararneq, ulluni 27. marts - 30. marts.
  • Ilulissani sulorarneq, ulluni 26. marts - 31. marts.
  • Maniitsumi volleyball, ulluni 27. marts - 1. april.
  • Uummannami Arctic Sports, ulluni 27. marts - 1. april.
  • Sisimiuni sisoraatinik sangusaarneq, ulluni 29. marts 31. marts.
  • Nuummi ujakkaarneq, ulluni 29. marts - 1. april.
  • Nuummi snowboard & freestyle ski, ulluni 29. marts - 2. april.

Futsalimi aamma assammik arsaannermi pissartanngorniunnerit

Angutit futsalimi pissartanngorniunnerat Ilulissani ulluni 13. april - 15. april pissaaq, arnat futsalimi pissartanngorniunnerat Sisimiuni ulluni 20. april - 22. april pissalluni.

Assammik arsaalluni inersimasut pissartanngorniunnerat ulluni 30. april 5. maj pissapput.

Powered by Labrador CMS