Skip to main content

Politimesteri: Benziinamut akiliut pillugu suliami unnerluutiginninneq taamaammat unitsipparput

Naalakkersuisup Doris J. Jensenip inuup allap beziinamik pisinermi akiliutini qanoq naapertuutinngitsumik atorneqarsimanersoq paasissutissiinermi nassuiarpaa. Taassuma eqqartuussivimmi sassartinneqarnissaa politiit taamaatissimammassuk amerlasuut tupigusuutigaat. Politimesterimit nassuiaat uani paasiuk.

2017-imi ukiaanerani naalakkersuisup Doris J. Jensenip benziinamik pisinermut akiliutini Namminersorlutik Oqartussanit pissarsiarisimasani, inummit allamit atornerlunneqarsimasoq paasilerpaa, taassuma naapertuutinngitsumik 6.855,45 koruuninut atorsimavaa. 

Vittus Qujaukitsup paragraf 37 naapertorlugu akissuteqaataanut atatillugu paasissutissiinermi Doris J. Jensen ilisimatitsivoq, suliaq politiinut nalunaarutigineqarsimasoq. Inummut pineqartumut unnerluussuteqarnissaq politiit upernaaq taamaatissimagaat, tamatuma saniatigut ilisimatitsissutigaa, taanna inoqutigiinneersuusimanngilaq.

Inummut pineqartumut politiit unnerluussuteqannginnerat atuartartunit arlalinnit tupigusuutigineqarpoq.

Nassuiaat

Politiit suliami eqqartuussisumut sooq sassartitsissutiginiarsimannginnerannut suna pissutaanersoq, Sermitsiaq.AG-p politimesterimut Bjørn Tegner Bayimut apeqqutigaa.

- Suliaq uagutsinnut nalunaarutigineqarsimasoq uppernarsarsinnaavara, tamatuma kingorna misissuiffigaarput, Bjørn Tegner Bay, Sermitsiaq.AG-mut oqarpoq, nangillunilu nassuiaavoq:

- Misissuineq naammassimmat, unnerluussisutut suliamik naliliivugut. Uagut politiitut aamma unnerluussisutut kinaassusersiunngitsuunissamik pisussaaffeqarnermik malitseqarpoq, naliliinitsinni eqqartuussiviup suliami unnerluutigineqartup pinerluuteqarsimaneranik pisuuneranik naliliisinnaanersoq – tassunga peqatigitillugu unnerluutigineqartoq pinerluuteqaqqissinnaanersoq naliliinermi pingaartittussaavarput, allatut oqaatigalugu unnerluutigineqartup ‘’piaaraluni’’ inatsimmik unioqqutitsisimanersoq nalilerlugu, politimesteri ilisimatitsivoq.

Uppernarsaasussaaneq kivissinnaanngikkaa

- Unnerluutigineqartoq pillugu uppernarsaasussaanermik kivitsisinnaaneq qulakkeersinnaanatigu suliami naliliivugut. Taamaammat unnerluutiginninnissaq taamaatipparput, taama tunngavilersuisoqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER