Skip to main content

Politikkikkut akuliunneq rektorimit ernumassutigineqartoq

Ilisimatusarfimmi rektorip Gitte Adler Reimerip inatsisissatut siunnersuut, universitietip nammineerluni ilinniakkanik aaqqissuussinermik allannguisinnaaneranik akuliuffigineqartoq ernummatsigaa.

Oktobarip 8-ani Inatsisartut siunnersuut ataatsimiititaliamut ingerlateqqippaat, oktobarip 29-ani aappassaaneerneqartinnagu. Siunnersuut tassaavoq inatsisissanut marlunnut siunnersuutit marluk, maannakkut Ilisimatusarfik pillugu inatsit atuuttoq ingerlaqqittumillu ilinniarneq pillugu inatsisit allanngortinniarneqarlutik.

Siunnersuummi nutaami ilaatigut allanngortinniarneqarpoq Ilisimatusarfimmi ilinniakkanik aaqqissuussinermi kikkut akuersisassanersut. Maannakkut Ilinniagartuut Siunnersuisoqatigiivi ilinniakkanik aaqqissuussinermi akuersisartuupput, siunissamili tassaalissapput Nalaakkersuisut ilinnakkanik aaqissuussinermi akuersisartussaasut, taamaalilluni naggatarutaasumik oqartussaallutik. Tamanna Ilisimatusarfimmit iluarineqanngilaq.

Ernumanartoq

– Ilinniakkanik aaqqissussinermi Naalakkersuisut akuersisalernissaat ernumanarpoq. Maani Ilisimatusarfimmi immikkut piginnaasalinnik Ilinniagartuut Siunnersuisoqatigiffeqarpugut. Maani ilinniakkanik aaqqissuussinerit nalilernissaannut pitsaasusaasalu qulakkeernissaannut immikkut ilinniarsimasunik peqarpugut. Taamaalilluni ilisimatusarfik immikkuullarissuuvoq. Naalakkersuisuni immikkut ilinniarsimasunik peqanngilaq, Ilisimatusarfimmi rektori Gitte Adler Reimer oqarpoq.

Gitte Adler Reimerip assigiinngitsut tik- kuarpai, tamannalu ajornakusoorsinnaavoq Ilinniakkat aaqqissugaaneri aamma kingusinnerusukkut taakkunani allannguutit annertunerusut Naalakkersuisunit akuersissutigineqassappata.

Inuiaqatigiilerinermik ilisimatuup Birger Poppelip allatut tunngavilersuiffigaa, tassanilu ‘’kiffaanngissuseqarlunilu periutsimik toqqaasaarnermut tunngaviusunik innarliisinnaanerat’’ oqaatigaa.

- Naalakkersuisut ilinniakkanik aaqqissuussinermi akuliuttalissappata piffissap ilaani piaaralutik piaarinngikkaluarlutilluunniit kiffaanngissuseqarluni ilisimatusarnermik kiffaanngissuseqarlunilu periutsimik toqqaasaarnermut tunngaviusunik innarliisinnaapput. Isumaqarpunga tamanna pitsaanngitsoq taamaalillunilu aamma akuliutinnginnissamik tunngaveqarneq annertuumik innarlerneqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER