Politikki pillugu allaanerusumik allaaserinnittoq

Pipaluk Lykke Løgstrup Sisimiuni najugaqarpoq sunngiffimminilu qimussertarluni.

11-nik qimuttoqarpoq pingasunillu qimmiaraateqarluni.

Allagaqarpoq

Aamma politikkimik soqutiginnittuuvoq, arlaannilu oqaluttuaq naatsoq una nettimi allappaa, tassungalu akissutisingaatsiarsimalluni Sermitsiaq.AG-mut allappoq:

´Sisamanik qimuttoqarputit, ullullu tamaasa nerukkaatissanik aalajangersimasumik amerlassusilinnik pisarputit, nammineq piumasannik qimminnut agguaatassannik. Ullut tamaasa nerukkaatissat tamangajaasa qimuttumut ataatsimut tunniuttarpatit nutaamillu imigassittarlugu.

Qimuttut allat pingasut annikitsuinnarmik nerisittarpatit nerisinngivillugilluunniit, ilaannikkuinnarlu imertittarlugit.

Oqarputit qimmip ataasiinnaap nerukkaatissat tamaasa pisarai pissutigalugu qimulluarnerusinnaammat, nerukkaatsissat qimminut sisamanut tamanut agguarneranninngarnit imertittarneranninngarnillu.´

Amerlasuut oqallikkusupput

Pipaluk Lykke Løgstrupip taanna allappaa sapaatip akunnerani provinsimi kommunit pingasut politikkikkut saqqummiussiffiini, tassuuna illoqarfiit pingaarnersaata Kalaallit Nunaatalu sinnerata akornanni tulleriiaarisarneq ´naleqqutinngitsoq´ qaangertinniarlugu.

– Facebookimi ikinngutimma arlallit oqaluttuaq sukkasuumik oqaaseqarfigaat, Løgstrup nassuiaavoq.

– Ataaseq allappoq ´Eqqarsartariaaseq nukillalaarnarmat. Qimmit tamaasa assigiimmik nerisittassagaluarpakka, tamarmik qimoqatigiittussaammata, qimmillu ataasiinnaap nukingi isumalluutigineqarsinnaanngimmata, ataatsimulli nukingat atortariaqarlutik, paasisinnaagumma?´

Akissarsisillugu

– Alla allappoq: ´Uanga 11-nik qimuttoqarnikuuvunga. Assigiimmik nerlersortassagaluarpakka. Imermik nerukkaatissanillu. Ullorli taanna immikkut tamaviaarsimasut immikkut akilertakkit-. ´

Qimmuttunillu oqallitsitsisup ikinngunni oqaaseqaatillit aperai:

´Ilumut isumaqartoqarpat qimmeq taanna nerukkaatissanik tamanik pisartoq qimuttoqamminit nukittunerpaajusoq silatunersaallunilu. Taava isumagineqaannassanngila taanna nerukkaatissanik imermillu pisassasoq pigiinnarnissaa qulakkeerniarlugu?´

– Taava Facebookimi ikinngutit sisamassaat akuleruppoq akillunilu: ´Qimuttut tamarmik nerukkaatissanik imermillu pisussaapput, annertunerpaamik qimuttoq qimunngitsorlu assigiinngisinnagit. Qinngaqqunnanngitsumik qimmitut inuusariaqarput.´

Qimmit politikkiluunniit?

Pipaluk Lykke Løgstrupip Facebookimi ikinngutaasa ilaat allappoq saqqummiussamini pinerunnginneraa politikki, qimmit pinerunagit.

– Taanna akivara: ´Tamanna apeqqutaagami? Ilumut qularutiginngikkukku qimuttoq ataaseq nerukkaatissanik amerlanerpaanik pisartoq ilumut qimulluarsinnaanerusoq, nerukkaatissat qimminut sisamanut tamanut agguarneranninngarnit?´

Taamatut akissuteqareersungalu oqallinneq unippoq, Løgstrup nassuiaavoq.

Oqaluuseriumanngilaa

– Facebookimi ikinngutimma, oqaaseqaateqartup qimmit tamarmik qinngaqqunnanngitsumik inuuneqartariaqartut oqaaseqaanni tunuartippa, nassuiaatigalugu isumaqarsimalluni qimmit pineqartut, taamaattuillu qimmit pisinnaatitaaffii isummerfigisimallugit.

Sisimiuni qimussertartup uggornartippaa inuit kommunimi ajornartorsiutit eqqarsaatigiliinnavikkaallu oqallinneq kiperiataarmat.

– Atuartut amerlanerpaat paasilersimagunarpaat oqaluttuaaqqanni qimuttut sisamat isumaqartikkikka nunatsinni kommunit sisamatut, piginnittoq tassaasoq qinikkavut Namminersorlutillu Oqartussani atorfillit, nerukkaatissallu tassaasut nunap ataatsimut atugassarisai – assersuutigalugu aalisarnikkut takornariaqarnikkullu isertitat, minnerunngitsumillu ataatsimut tapiissutit, tamatta Danmarkimit pisartakkavut.

Nuuk sineriallu

– Ataaseq naggataajusumik allappoq: ´Taavami qimuttup nerukkaatissanik amerlanerpaanik pisartup nerukkaatissat allanut pingasunut tunniuppagit? Taakkualu pingasut tassuminnga piumaleraluttuinnarlutik, taannalu misigisimalerluni nukeerukkaluttuinnarluni, qimuttoqatigiinnillu aninialerluni?´

– Taassuma qularnanngivissumik innersuussutigaa Kommuneqarfik Sermersuup kommuneqarfiit kattuffiannit Kanukokamit aninera. Tamatumunnga oqaannassaanga: Illit nammineq qimuttunik piginnittutut nerukkaatissat qanoq agguarneqarnissaat nammineq aalajangigassaraat. Qimuttumullu qimuttoqatigiinnit anisumut tamanna assigiinngissuteqanngilaq. Tassami taanna suli ullut tamaasa nerukkaatissanik imermillu tuniorartuarpat, Pipaluk Lykke Løgstrup tikkuaavoq.

Provinsimi inuuneq pitsaasoq

Naggataatigut oqallissaarisup provinsimeersup Kalaallit Nunaanni Atorfikkaat Kattuffiat isornartorsiorpaa, taanna oqarmat suliffiit 600-t, ilaatigut qaffasissumik inissisimasut, Nuup avataanut nuunneqarnissaat piviusorpalaanngitsoq.

– Atorfilittut illoqarfiit pingaarnersaata avataani imaqarluartumik isumassaqarluartumillu inuusoqarsinnaalluarpoq. Aap ilumoorpoq, Nuummi politikerit atorfillillu. Upperigussiuk upperinngikkussiulluunniit, Pipaluk Lykke Løgstrup naggasiivoq.