Politikkerit angalaqatigiittut
Politikkerit nuimasut peqatigalugit selfiemik assiliineq
Danskit, savalimmiormiut kalaallillu politikkerii Ilulissani Sermermiut takuniarpaat. Kalaallit Nunaat pillugu Folketingimi ataatsimiititaliami siulittaasup tullia Doris Jakobsen selfiemik assiliivoq
Folketingimi Kalaallit Nunaat pillugu ataatsimiititaliaani ilaasortat Qeqertarsuup Tunuaneeqatigiipput ulluni makkunani. Politikkerit Ilulissani Sermermiuneeqatigiipput ataasinngormat. Folketingimi Kalaallit Nunaat pillugu ataatsimiititaliami siulittaasup tullia, Doris Jakobsen, Siumut, Facebookiminut selfiemik assilisimasani ikkuppaa.
Nunaqarfik Ilimanaq aamma Qasigiannguit marlunngornermi tikinneqassapput.
Doris Jakobsen saniatigut Folketigimi ilaasortat angalaqataapput: Sara Olsvig, Inuit Ataqatigiit, Flemming Møller Mortensen, Socialdemokraterne, Karin Gaardsted, Socialdemokraterne, Annette Vilhelmsen, Socialistisk Folkeparti, Christian Juhl, Enhedslisten, Finn Sørensen, Enhedslisten, Claus Hjort Frederiksen, Venstre, Kim Andersen, Venstre, Flemming Damgaard Larsen, Venstre, Martin Henriksen, Dansk Folkeparti aamma Edmund Joensen, Sambandspartiet.