Farlige skoler
Politikkerit massakkut iluarseeqqusipput
Atuarfik Mathias Storch-ip oqoqarnera, Qaasuitsup kommuniani Siumup Atassutip aamma IA assut naammaginngilaat
- Angajoqqaat qangarsuarli ilungersulerput, taamaattumik Inuit Ataqatigiinniit kissaatigaarput piaartumik aamma kingusinnerpaamik atuartut augustimi atualerpata, angajoqqaat, pingaartumik atuartut nalunngittariaqarpaat meeqqat sumi atualerumaartut, tamanna paasisariarpaat, aamma Atuarfik Mathias Storch-i piaarnerpaamik qimattariaqarpaat, napparsimalissutaasinnaammat, Peter Olsen oqarpoq.
Meeqqat atuarfigigallarsinnaasai pillugit ima oqarpoq.
- Atuarfiit marluupput, Atuarfik Jørgen Brønlund aamma timersortarfissuaqarpoq kultuurikkullu illorsuaqarpoq. Aamma atorfilittat allaffinnik nassaarniartariaqarput, tamakku atorluarniarneqartariaqarput, sulineq piaartumik ingerlanneqartariaqarpoq.
Siumup aamma Atassutip oqaaseqartua, Kristian Broberg (S), aamma utaqqeqqissinnaanngilaq.
- Atuarfik Mathias Stroch-ip iluarsiiffigineqarnissaa utaqqeqqissinnaanngilarput, aamma pissutsit akuersaarneqarsinnaanngilluinnarput, Kristian Broberg oqarpoq.
Sermitsiaq AG-p paasisai naapertorlugit, Qaasuitsup kommuniata Atuarfik Mathias Storch pillugu qanoq pilersaaruteqarneranik, aqagu ullup ingerlanerani ilinniartitsisut angajoqqaallu sinniisai, paasitinneqartussaasut.