suliassanngortitsineq

Politikkerinut unnerluutiginninnerit politiinit nalilersorneqaleruttorput

Pinerluttulerinermik inatsimmik imaluunniit inatsisinik allanik unioqqutitsisoqarsimanersoq poltiiinit misissorneqassaaq

Naalakkersuisunut siulittaasuusimasut Aleqa Hammond aamma Kuupik Kleist kiisalu Atassummit Steen Lynge innuttaasunit sisamanit politiinut tunniunneqarput pingasunngormat.

Politikkerit nunatta karsianut akiitsoqarsimanerat pissutigalugu politiinut tunniunneqarput.

- Politiinut tunniunneqartut misissorneqaleruttorput, kiisalu aamma kukkunersiuinermut ataatsimiititaliamit suliarineqarsimasut misissorneqaleruttorlutittaaq, politimestereqarfimmit Morten Nielsen oqarpoq.

Misissuinerit ingerlanneqareeriarpata nalilerneqassaaq annertunerusumik missuisoqaqqissanersoq. Pinerluttulerinermik inatsimmik imaluunniit inatsisinik allanik unioqqutitsisoqarsimanersoq poltiiinit misissorneqassaaq.

Pinerluttulerinermik inatsimmi unioqqutitsisoqarsimappat nalinginnaasumik missuisoqassaaq. Naalakkersuisut akisussaassusaannik unioqqutitsisoqarsimappat Inatsisartuni ilaasortaasut politimestereqarfimmut politiinut tunniussisinnaapput.

Suliami missuineq qaqagu naammassineqassanersoq suli oqaatigineqarsinnaanngikkallarpoq.

Powered by Labrador CMS