angallassineq
Politikkeri inuusuttoq: Siumut kiffartuussinissamik isumaqatigiissummut neriorsuutini unioqqutippaa
Kiffartuussinissamut isumaqatigiissut pitsanngoriaateqanngitsoq Atassutip inusuttaani ilaasortaq Bentiaraq Ottosen isumaqarpoq
Naalakkersuisut kiffartuussinissamut isumaqatigiissut suliaareersoq attatiinnarlugu amerlanernik aningaasaliiffigeqqippaat. Taamannallu aaqqiisoqarnera Kommune Kujallermi borgmesterip Jørgen Wæver Johansenip isornartorsiorpaa.
Siumut neriorsuinerluppoq
Politikkeri inuusuttoq Bentiaraq Ottosen (Atassutip inuusuttai) oqallinnermut aamma ilannguppoq.
Kiffartuussinermut isumaqatigiissut Siumumit pitsanngorsaaviginiarlugu neriorsuisoqarnera taassuma erseqqissarpaa.
- Kiffartuussinissamut isumaqatigiissut pitsanngoriaateqarsimanngitsoq takusinnaavarput, tusagassiuutinut nalunaarummi Bentiaraq Ottosen allappoq.
Politikkerertargullu oqallinnermi pisuutitassarsiorlutik imminnut tikkuartuutissanngitsut kajumissaarpai.
- Siumut suliamut kukkuluttorpoq. Tamanna kukkunerujussuuvoq neriorsuinerlunnerullunilu. Suliarmi iluarsineqarnissaanut partiit periarfissaqaraluarput, Bentiaraq Ottosen allappoq.
Atuaruk: Kiffartuussinermut isumaqatigiissutit siornarnit akisunerulertut
Naalakkersuisut akisussaaffik paaraat
Kiffartuussinissamut isumaqatigiissut nutartigaq inuiaqatigiinnit 87 mio. koruuninik akilerneqartussanngorpoq.
- Aningaasamut inatsimmik suliaqartut akisussaaffik paaraat, tassa Naalakkersuisut, Bentiaraq Ottosen oqarpoq.
Atuaruk: Kiffartuussinermut isumaqatigiissummut 22 millionit saniatigut aningaasaliissutaasut