Skip to main content

Politikerit marloriaammik aningaasarsisarnerat D-mit Sam-imiillu annikilliliiffigineqarniarpoq

Inatsisartuni ilaasortat Inatsisartuni ataatsimeeqataanngikkaanganik, aningaasarsilluarfigisinnaasamut suliartoraanganik, aningaasarsiaqartassanngillat. Niels Thomsen taama isumqarpoq. Marlunnik qinigaaffillit marloriaammik aningaasarsiaqarunnaarnissaat Tillie Martinussenimit sulissutigineqarpoq

Naalakkersuisuni Inatsisartuniluunniit ilaasortaajunnaartoq ullumikkut ilaasortaajunnaarnersiutisiaqartinneqartarpoq. Ilaasortaajunnaarnersiutisiat minnerpaamik qaammatini pingasuni sivisussuseqartarput sivisunerpaamillu qaammatini aqqaneq-marlunni. Ukiut tamaasa ilaasortaajunnaarnersiutisiaqalernissamut katersat qaammatip aappaa avillugu pissarsiarineqartarput.

Inatsisartunili suliassaqartillugu sooq politikerit ilaasortaajunnaarnersiutisisarnersut Niels Thomsenimit Demokraatineersumit paasiuminaatsinneqarpoq. 

- Inuit ilaat Inatsisartuniit atorfinnut akissarsiarissaarfiusunut nuuttarput - ilaasortaajunnaarnersiutisiaqaannarlutik. Aaqqissuussineq taamaattoq inuiaqatigiinni ingerlalluareersunut tukkorneruvoq mikinngitsumik. Tukkorneruvoq mikinngitsoq inuiaqatigiinnit akilerneqartartoq naak amerlasuut ilaasortaajunnaarnersiutisianut naleqqersuunneqarsinnaanngitsunik akissarsiaqartinneqartaraluartut, Niels Thomsenip siunnersuunni tunngavilerpaa.

Atorfissaqartitsisut kisimik taamatut akissarsiaqartinneqartalissasut Niels Thomsen isumaqarpoq.

Marlunnik qinigaaffillit
Marlullunik ilaasortaaffillit aningaasaqarnikkut nersorneqannginnissaat Tillie Martinussenimit siunnersuutigineqarpoq. Inatsisartunut ilaasortat Folketingimi ilaasortaasut imaluunniit aamma kommunalbestyrelsimi ilaasortaasut aningaasarsiaat appartinneqartassasut tassani atorfimmik aappaani aningaasarsiaasa amerlaqataannik aamma taamannak ilanngaassisoqartassasoq borgmesteritut, borgmesterilluunniit tullersortaatut atorfik eqqarsaatigalugu, sinnersuuteqarpoq.

Marlunnik qinigaaffillit ikilineqarnissaat neriuutigalugu taamatut siunnersuuteqarpoq.

- Ullumikkut "politikkimik napaniuteqartutut" kiisalu akissarsiassanik ajunngitsorsiassanillu malersuisutut arlalissuarnik isumaqarfigineqarpugut. Taamatut pisuutinneqarneq nuanninngilaq aamma arlaliulluta tamanna naapertuilluanngitsutut isumaqarfigigunarparput. Kisianni arlaannattaluunniit qularutigissanngilaa, marlunnik qinigaaffeqartarneq pissutaasarmat innuttaasut politikerinik qattussilluinnarnerannut, siunnersuummi allappoq.

- Periarfissaajunnaarsittuugutsigu Inatsisartuni ilaasortat allanik atorfeqarnermikkut akissarsiaminnik amerlisaasarnissaat, taava innuttaasut isumaqartalissagaluarput aningaasat piinnarlugit arlalinnik atorfeqartoqanngitsoq kisiannili innuttaasut kiffartuussinerusunneq pisuusoq. Aamma taamaattumik taakku piareersimasut piumasaqaatigineqartutut, atorfitik tamaasa tamakkiisumik isumagissallugit aamma qinersisartut nunartillu sullikkumallugit.

Atugassarititat pitsaanerulernissaat anguniarlugu politikerit ilaat marlunnik qinigaaffeqartartut Tillie Martinussenip ilisimalluarpaa. 

- Kisianni innuttaasut politikerinik akissarsiaqartitsisut piumasaraat politikerit qinikkatik tamaviaarlutik tunniusimallutillu sulissasut. Ima amerlatigisunik atorfeqassanngitsut eqiasuillutik, peqqissaarlutik tunniusimallutillu allaat sulisinnaanatik - suli amerlanerusunik akissarsiaqarnissaq piinnarlugu, allappoq.

Naalakkersuisut allannguerusunngillat
Suleqatigiissitsisunit Demokraatiniillu siunnersuut Naalakkersuisunit tigulluarneqarpallaanngilaq.

- Naalakkersuisut namminneerlutik Inatsisartunut Naalakkersuinullu ilaasortat aningaasarsiaqarnerat ilaasortaajunnaarnersiaqarnerallu pillugit aningaasarsianut inatsimmi malittarisassanik allanngortitsinissanik pilersaaruteqanngillat.

- Aalajangiiffigisassatut siunnersuut Inatsisartuni akuersissutigineqassagaluarpat Naalakkersuisut soorunami aningaasarsiat ilaasortaajunnaarnersiallu pillugit aningaasarsianut inatsimmi malittarisassat allanngortinnissaannut siunnersuummik suliaqarumaarput.

Siunnersuutit Inatsisartuni ataasinngorpat oqaluuserineqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER