kasuutta
Politikerit immiaaqqat sivisunerusumik ammatittarnialerpaat
Imertoqartillugu erngussuaartoqartarpoq! Ajornartorsiut tamanna - aalakoorujussuartarneq – sivisunerusumik tuniniaasalernissap qanoq iliuuseqarfigisinnaavaa, taamatut Demokraatit isumaqarput. Sakkortuumik namminersortunngorsaasoqassasoq kissaatigaat.
2012-imi ukiakkut Inatsisartut isumaqatigiissut immiaaqqanik viinninillu tuniniaasarnerit tallimanngorikkut arfininngornikkullu unnukkut qulingiluat tungaanut killeqalissasut aalajangerput.
Taamanikkumiilli ukioq ataaseq, marluk, pingasut, sisamat tallimat ingerlapput!
Aalajangernerlu suli – naak Inatsisartuni politikerinit tamanit ersarissumik akuersaartoqaraluartoq - atuuttussanngortinneqanngilaq.
Ilaatigut Inatsisartuni ataatsimiititaliat pingasut tusarniaanerlu akornutaasimapput, tamakkunanilu ammasarfiit nutaat qanoq atuuttussanngortinneqartariaqarnerat aamma imigassamik aalakoornartortalimmik tuniniaanerup sivitsorneqarnerata kingunissai pillugit assigiinngitsorujussuarnik paasinnittaaseqartoqartoq paasinarsivoq. Ilaatigut imigassamik tuniniaanerit niuertarfiit nalinginnaasut inittaannit peerlugit ininut immikkoortitanut nuunneqarnissaat siunnersuutigineqarpoq.
Maannakkulli Demokraatini Randi Vestergaard Evaldsenip aamma Justus Hansenip naammagittarsinnaanerat killeqarpoq. Apriilip ulluisa 20-anni aallartittussami upernaakkut ataatsimiinnissami pissutsit sukkatsisinneqarnissaa kimigiiserutiginiarpaat.
- Taamanikkut Inatsisartut aalajangernerat partiinit tamanit isumaqataaffigineqarnera eqqarsaatigalugu atuuttussanngortitsinissamik aalajangernissaq pissusissamisuussaaq, arlalinniluunniit qinigassaqaraluarpat apeqqutaatinnagu, Randi Vestergaard Evaldsen (D) aamma Justus Hansen (D) isumaqarput.
Sooq imigassartortoqalernissaanik kinguneqassannginneranik isumaqarnerat AG-mi atuaruk: