Frirejser til familier

Politikerit ilaqutaasa akiliutsillutik angalasinnaanissaat amerlanerussuteqartut isumaqataaffigaat

Inatsisartuni ilaasortat ilaqutaasa akiliunneqartarnerat marloriaatinngorneqarnissaannut siunnersuut Inatsisartunit akuerineqalerunarpoq.

Som begrundelse for at give politikernes familie en ekstra frirejse betalt af Selvstyret sagde Ineqi Kielsen: - Det er jo netop os, der finder det særdeles vigtigt, at få stoppet omsorgssvigt af børnene i samfundet, og vi mener, at vi netop på vores arbejdsplads må vise, at vi står ved vore holdninger

Tusagassiivik

Jørgen Schultz-Nielsen

sisamanng 19. okt 2017 15:15

Annonce

Maleruagassat allanngortinneqarnissaanut Demokraatit kisiartaallutik isumaqaanngillat.

Demokraterne var de eneste, der ikke mente, at der var grund til at ændre reglerne.

Meeqqat sumiginnakkat

Naalakkersuisoqatigiit Siumut, IA aamma Partii Naleraq sinnerlugit Ineqi Kielsenip nassuiaatigaa, siunnersuummi meeqqat pisariaqartitaat tunngavigineqartoq.

- Uagorpiaavoq inuiaqatigiit akornanni meeqqanik sumiginnaanermik unitsinneqarnissaannik immikkut pingaartitaqartut, isumaqarpugullu suliffitsinni takutittariaqarlugu taamatut isummersimanerput, Ineqi Kielsen, siunnersuummut tapersiilluni tunngavilersuivoq. Siunnersuut Inatsisartut Siulittaasuata Lars-Emil Johansenimit saqqummiunneqarpoq.

Justus Hansen Demokraatininngaanneersoq, Tasiilaminngaanneersuuvoq, maleruaqqusallu allanngortinneqarnissaa pisariaqarsorinngilaa.

- Aaqqissuussinneq massakkut atuuttoq ajunngilluinnarpoq, Justus Hansen oqarpoq.

Oqartussaaqataaneq akeqarpoq

Attaviitsoq Michael Rosing isumaqarpoq, tamat oqartussaaqataanerat naleqartartoq, Nuullu avataaninngaanneersut politikerinngorusuttut meerartallit aporfissarsiuunneqannginnissaat pingaartippaa.

- Nunap karsianit tigusiinnariaasugut oqariartuutigineqartutut ippoq, kisianni tamat peqataatinneqarnerat naleqarpoq, Michael Rosing siunnersuummut tapersiilluni oqarpoq. Siunnersuut 9. november aappassaaneerneqassaaq.

politikki inuiagatigiit