Takorluugaq
Politikeri Siumukkormiu: Uangaana siunnersuutiga
Kommuneqarfik Sermersuumi arsaattarfissualiornissamut siunnersuut politikkikkut siammasissumik isumaqatigiissutigineqarpoq
Kommuneqarfik Sermersuumi illuatungiliuttut Siumukkormiut aamma nuannaarutigaat qulisamik arsaattarfiliorniarluni aallartittoqarmat. Kisianni Siumut sinnerlugu kommunalbestyrelsimi ilaasortaq, Peter Davisen, naqissusiivoq nammineq siullersaalluni Nuummi arsaattarfiit inerisaqqinneqarnissaannut siunnersuuteqartuusimanini.
Nuummi annertuumik arsarnermik soqutigisaqarnerup kinguneranik arsaattarfiit silami arsarfissaasarnerata sivikitsup nalaani tattoqilliuuffiutitsisalerput. Arsaattartullu klubbiisa qularutiginngilaat Nuuk arsaattarfinnik amerlanerusunik suli pisariaqartitsisoq.
Maannalu kommunalbestyrelsimit akuersissutigineqarsimavoq Nuummi Inussiviup eqqaani arsaattarfissuarmik sanasoqarnissaa.
Atuaruk: Nuummi ivigaaraasanik qallikkamik arsaattarfeqalissaaq
Kisianni arsaattarfiit amerlineqarnissaannut suliaq siullerpaamik oktobari 2013-imi qaqinneqarsimavoq.
- Uanga taanna siunnersuutigeqqaarpara, kisianni suliniarnermi periutsit assut arriissimapput. Maannalu isumassarsiara qujanartumik Uju Petersenimit aamma Storm Ludvigsenimit qaqinneqarpoq ivigaasanik qalligassanngorlugu ilaneqaannarsimalluni. Aamma assut nuannaarutigaara Nuummi arsartarnermi atukkat pitsanngorsaaviginissaannut politikkikkut siammasissumik isumaqatigiittoqarmat, Peter Davidsen oqarpoq.
Isikkamik arsaartarfiliornissamut pilersaarutit AG-mi atuarneqarsinnaapput. Aviisi ataani pisiarineqarsinnaavoq: