Politikeri qinigaasinnaanngitsutut nalilerneqartoq

Inatsisartunut ilaasortat qinigaasut kiisalu partiinut tamanut sinniisussat siulliit tallimattamaasa qinigaasinnaanerat Inatsisartut ullumi misilippaat. Ataaseq qinigaasinnaanngitsutut nalilerneqarpoq.

Pavia Geislerip partii Nunatta Qitornaaneersup Inatsisartuni ilaasortaanissani neriuutigisinnaanngilaa.

Periarfissaali annikereersimavoq, partiimmi paarlatsissanik makitsinerani Aleqa Hammond Vittus Qujaukitsumut paarlatsissanngorsimavoq Pavia Geislerilu sinniisussat pingajuattut inississimalluni.

Tunngavilersorneqanngitsoq

Inatsisartut siulittaasuata Hans Enoksenip tusagassiuutinut nalunaarutaani, sooq taassuma Inatsisartuni qinigaasinnaannginnera pillugu allassimasoqanngilaq. Pavia Geisler qinersinermi aqqanilinnit qinerneqarpoq.

Ilanngullugu paasissutissiarineqarpoq, sinniisussaq ataaseq atuuffimminit tunuarnissaminik qinnuteqarsimasoq,
qinnuteqaataalu akuerineqarpoq.

Powered by Labrador CMS