napparsimalluni sulinngiffeqarneq

Politikeri kræftimik eqqugaalluni napparsimalluni sulisinnaanngikkallartoq

Kommunalbestyrelsimut ilaasortaq borgmesterimullu siullertut sinniisussaq Malene Lynge Kommuneqarfik Sermersuuminngaanneersoq novemberip qiteqqunnera tikillugu napparsimalluni sulinngiffeqassaaq.

Taanna septemberip qaammataani suliaritippoq, suliaritinnerminilu qinersiata talerpiatungaaniittoq pullannera pissutigalugu peerneqartariaqarsimalluni.

Kræftip tinumasui

- Suliaritinnerup nalaani kræftip tinumasuinik marlunnik nassaartoqarsimavoq. Tamannalu tunngavigalugu qinersip sinnera peerneqarnissaa aalajangiunneqarsimalluni, Malene Lynge Sermitsiamut paasissutissiivoq.

Misissuinerillu pitsaasuummata taanna neriuuteqarluarpoq.

Neriulluartoq

- Kræfti nassaarineqartoq siaruaattuunngilaq, taamaammat neriulluaqaanga, IA'mi politikeri oqaluttuarpoq.

Powered by Labrador CMS