Katsorsaaneq

Politikeri: Angutit kinguaassiutimikkut atornerlunneqarsimasut katsorsaavittaarlik

Angutit meeraanerminni kinguaassiutitigut kanngutsaatsuliorfigineqarsimallutik katsorsartikkumasut sumut saaffiginnissinnaappat, Laura Táunâjik (S) Naalakkersuisunut aperivoq

Inatsisartuni ilaasortaq Laura Táunâjik (S) angutinut atornerlugaasimasunut katsorsaavissamik ujartuivoq

Angutit kinguaassiutitigut atornerlunneqarsimasut katsorneqarfissaannik pilersitsisoqartariaqarpoq.

Inatsisartuni ilaasortaq Laura Táunâjik (S), Naalakkersuisunut paragraf 37 naapertorlugu Naalakkerusuisunut apeqquteqartoq taama isumaqarpoq.

- Angutit kinguaassiutitigut kanngutsaatsuliorfigineqarsimasut malunnartumik arnaniit matoqqanerullutillu tunuarsimaarnerusarput. Taamaattumik angutaannarnut tulluarsakkamik katsorsaavimmik peqarsimanngippat pissusissamisoorsoraara naleqquttumik katsorsaaveqalernissaa, Naalakkersuisunut apeqqutini taama tunngavilerpaa.

Atuaruk: Kingusissukkut kingunerlutsitsisut: Katsorsaallutik Angalaqatigiit ulapeqaat

Ajornartorsiutit
Laura Táunâjiup naatsorsuutigaa, angutit matoqqanerunertik aamma ajornartorsiutiminnik isertuussinerminnik peqquteqarlutik inuunermik ajunnginnerusumik aallartitsiuminaatsitsinerusartut.

- Ilisimaneqarpoq aamma angutaakkajuttut iliniaqqinnissamut ingerlariaqqinngitsoortartut ilinniakkaminnillu unitsitsiinnartartut. Taamaattumillu inuunerminni suliarisimanngisatik pillugit atornerluisunngoraangamik inoqatigiinnut malunnaataasumik ajornartorsiutinngortitsisartut, Siumuni politikeri taama tunngavilersuivoq.

Aamma atuaruk: Nalunaarusiaq: Kinguaassiuutitigut innarliinerit ajoquseerujussuartarput

Powered by Labrador CMS