Politiit: Qamuteralannik ingerlagaangavit niaqoruteqarnissat eqqaamasarlugu

Niaqoruteqaratik qamuteralannik ingerlasut Qasigiannguani politiit suli naammattoortarpaat. Tamanna akiligassitsinnermik kinguneqarsinnaavoq.

Qamuteralannik ingerlagaangavit niaqoruteqarnissat eqqaamasarlugu. Qasigiannguani politiit Facebookikkut taama kaammattuipput.

- Kingullertigut naammattoorneqartarpoq qamuteralannik ingerlaartilluni aquttui imaluunniit aamma ilaasui niaqoruteqaratik ingerlaartartut, politiit taama allapput.

- Tassungalu atatillugu aamma ukiukittut arlallit qamuteralannik ilaasut niaqoruteqaratik naammattoorneqartarput. Kingullermik sikumi, Qasigiannguit kangia tungaani, arnat qimussimik unammersuarnerini naammattoorneqarput.

Tamanna politiit ilungersunartutut isigaat, ajutoornermik kinguneqarsinnaasarmata. Politiit tamanna aaqqiivigeqquaat, taassumalu kingorna niaqoruteqanngitsumik naammattuuinermi nalunaarsorneqartassapput

Powered by Labrador CMS