Nuuk
Politiit upalungaarsimaneq misilittaraat
Politiit illoqarfimmi sungiusarnernik arlalinnik ukiap sinnerani ingerlatsiniarput
Kalaallit Nunaanni Politiit ilinniaqqittarnerup ingerlanneqarnissaanik annertuumik ukiuni tulliuttuni marlussunni sivisussuseqartussamik ukioq manna aallartitsipput. Politiillu aqutsisunik sulisunillu upalungaarsimanermut tunngasunik ilinniartitsinermik aqutsisutullu nalinginnaasumik ilinniartitaanermik immikkut sammisaqarniarput, politiit paasissutissiipput.
Sungiusarnerit arlallit
Maannakkorpiarlu Nuummi innuttaasut ukiap sinnerata ingerlanerani illoqarfimmi sumiiffinni assigiinngitsuni politiit suliassanik piviusuusaartitanik suliaqarnermik sungiusarnerannik misigisaqartassapput. Sungiusarnerit piviusut tikillugit ingerlanneqartarnissaat politiinit pingaartinneqarpoq, tamanna piviusumik ilungersunartumik pisoqalerpat ajoqusertoqaqqunagu suliassanik pissusisamisoornerpaamik suliarinninnermut atatillugu pitsaanerpaamik angusaqarfiussammat, pinerluttaalisitsisut erseqqissaapput.
Qulliit ikittaartut tungujortut
- Sungiusarnerput suullu tamarmik ajunngitsumik ingerlanerat innuttaasunut paasissutissiissutigissallugu uatsinnut pingaartuuvooq. Innuttaasut tassanngaannaq politeerpassuarnik sakkulisartunik qullernillu tungujortunik ikittaartitsisunik illut ilaasa eqqaanniittunik tassanngaannaq takullutik toqqissisimalinnginnissaat kissaatigaarput. Taamaaliorpugut pikkorissarniaannarluta, chefpolitiinspektør Hans Herluf Pedersen, Kalaallit Nunaanni Politiineersoq, nassuiaavoq.
Aamma atuaruk: Maskingeværit sakkortuut oqaatsitigullu aporfissat