Ilulissat
Politiit toqusoqarneranut atatillugu misissuisut
Ilulissani angutip 57-nik ukiullip persuttagaanini toqqutigisimaneraa politiit misissuleruttorpaat
Angut pineqartoq angerlarsimaffimmini aggustip arfineq-aappaanni kisimiittoq nassaarineqarpoq, tamatumalu kingorna Nuummut Dronning Ingridip napparsimmavissualiaanneqarluni. Napparsimmavissuarmut apuunneqarnermi kingorna ullut tallimat qaangiuttut toquvoq.
KNR-imit tamanna allaaserineqarpoq.
Politiillu tamatuma kingorna angummik persuttaasimasutut pasisaminnik tigusarinnissimagaluarput, kingorna iperagaasumik.
- Tassa suliaq persuttaanertut ingerlapparput, imaappoq saaffiginnittoqarnerata kingorna suliaq aallartisarneqarsimavoq persuttaanertut. Taamaalilluni aamma suli paasiniaanerit ingerlapput. Erseqqissumik suli inerniliinikuunngilagut, Qaasuitsup politiivineersoq Kasper Berthelsen KNR-imut oqarpoq.
Toqusoqarsimatillugu misissuisartut Danmarkimiit tikisinneqarsimasut aqagu tallimanngornermi misissuissapput.