tillitat

Politiit: Tillitat sianigisigit

- Tillitanik tuniniaasunik pasitsaassaqaraangassi ingerlaannaq politiinut sianertassaasi, Nuummi politiit nalunaarput

Tillinniat sapaatip akunnera kingulleq ulapilaavissorput.

Politiit sapaatip akunnera kingulleq suliaminnik nalunaaruteqaramik taama inerniliipput.

- Tillitanik tuniniaasunik pasitsaassisoqaraangat politiit telefoniannut ingerlaannaq sianertoqartassaaq uunga 70 14 48. Politiit 22-arlutik tillittoqarsimaneranik nalunaarfigineqarput sapaatip akunnera kingulleq, Nuuk Politiinit Søren Bendtsen oqarpoq.

Tillitartut nalunaarutigineqartut:

  • iPhone 4 qernertoq aappilarujuttumik assiaqutaqartoq ataaseq
  • iPhone 5 qernertoq 6.200 koruununik naleqartoq ataaseq
  • Mac computereq ataaseq
  • Dewalt maskiina moreersit ataaseq
  • Qillerut Bosch 14.026 koruuninik naleqartoq ataaseq
  • Assiliut Panasonic FX50 3.599 koruuninik naleqartoq ataaseq
  • Filmiliut Panasonic 3.999 koruuninik naleqartoq ataaseq

Illoqarfiit pingaarnersaanni politiit ulapingaatsiarput:

Angerlarsimaffinni eqqissisaanerit aqqanillit, taakunani meerartallit marluk. Ikuallattoorneq ataaseq. Imminut toqunnissamik siorasaarisut marluk, imminut toqoriartoq ataaseq, aserorterinerit pingasut, imigassartorsimalluni biilinik ajutoortoq ataaseq, ikiaroornartut pillugit tunngasut pingasut, ingerlatitsisinnaanermut allagartaqarnani biilertoq ataaseq, sulisumut nukersortoq ataaseq, ikiaroornartunik tuniniaasoq ataaseq kiisalu socialimut tunniussineq ataaseq.

Powered by Labrador CMS